Desizaun ne’ebé fó sai liuhusi Konsellu Ministrus iha loron 7 fulan-jullu tinan 2021, hafoin halo análize ba aprezentasaun husi pontu situasaun epidemiolójika nasionál, husi Sala Situasaun Sentru Integradu Jestaun Krize (SIJK).
“Konsellu Ministru delibera atu aprova projetu Rezolusaun Governu nian ne’ebé mantein impozisaun serka sanitária iha munisípiu Dili ba loron 7 tan, to'o loron 15 fulan-jullu. Konsellu Ministrus deside ona atu la renova impozisaun serka sanitária iha munisípiu Baukau”, informa Ministru Prezidente Konsellu Ministru, Fidelis Leite Magalhães, iha palasiu Governu, kuarta (07//07).
Tanba, bandu nafatin sirkulasaun ema sira-nian entre munisípiu Dili no sirkunskrisaun administrativa sira-seluk.
Maibé iha kazu hirak ne’ebé ninia fundamentu forte tanba razaun sira seguransa públika, saúde públika, asisténsia umanitária, manutensaun sistema abastesimentu públiku ka razaun seluk ne’ebé presiza atu hala’o ba interese públiku nian.
“Proibisaun sirkulasaun ne’e la abranje ba ema ne’ebé komprova ona vasinasaun kompleta (doze rua) kontra Covid-19, nune’e mós ba labarik sira iha tinan neen mai-kraik ne’ebé akompaña”, dehan Fidelis. (*)