“Tuir mai relasaun ho deputadu sira-nia kestaun ne'ebe foti kona-ba eletrisidade, ha’u hatete tan dala ida katak los duni, tuir programa governu nian, no orsamentu ne'ebé mak orsamenta iha Orsamentu Jerál Estadu (OJE) 2021, katak ba tinan ida ne'e sei halo servisu ba liña eletrisidade iha suku 30-resin, tanba iha 70-resin ne'ebé mak iha maibé hakarak hahú uluk ho 30-resin”, hatete nia iha plenaria Parlamentu Nasionál (PN), segunda (12/7).
Eletrisidade ne'ebé kontinua problema iha terenu, sei la inklui ho aldeia, maibé ko’alia uluk kona-ba suku ne'ebé ahi seidauk tama.
Tanba, iha suku aldeia barak mak seidauk iha no balun iha ona, maibé prioridade tinan 2021 ba suku, tanba suku 70-resin mak seidauk asesu baa hi-eletrisidade.
“Iha suku laran iha tan aldeia ne'e mós barak tan, agora ita ko’alia uluk lai depois ita ko’alia aldeia, agora se ita ko’alia hotu dala ida de'it, ita labele rezolve problema ne'e iha tempu ida dala ida ne'e”, hatete nia.
Maibé Governu rekoinese deklarasaun Deputada Bankada Fretilin, Maria Anabela Sávio, kona-ba munisípiu Aileu ho Lospalos, maibé iha Munisípiu Aileu projetu nafatin tanba ai-rin balun hari’i ona.
Husi realidade ida ne'e bele mós akontese ba Postu Administrativu Lospalos, tanba ne'e, Eletrisidade de Timor-Leste, epreza públika (EDTL,ep) sei la loke tan konkursu, maibé EDTL,ep rasik mak sei ba kompleta filafali oinsá klonkui.
Husu nafatin ba Administradór Munisípiu sira atu ativu oinsá bele halo kontaktu ho EDTL atubele fasilita servisu ne'e ho lalais.
“Buat sira ne'e hotu entaun akibat, EDTL la loke tender maibé nia mak ba halo konstrusaun ida ne'e, ne'e iha suku Tou-meta, tanba ne'e la tama iha tender”, esplika nia. (*)