"Ha'u hakarak ahi lakan hotu iha dalan sira, ne'e antes 28 Novembru loron komemorasaun Independénsia nian a nível Nasionál halo iha Baukau, sira nasionál mai ha'u ba haree ona fatin, antes data ne'e to'o ahi tenke lakan husi Lanud Forsa Defeza Timor-Leste nian, mai to'o Baukau vila no ba to'o Buibau, to'o Riamari”, dehan Olivio Boulesa iha salaun São José Dioseze Baukau, sábadu (17/07).
Dadaun ne’e iha Munisípiu Baukau hela suku balun mak ahi seidauk tama, maibé iha Suku Namanei inklui Aldeia 59 mak seidauk asesu ba liña eletrisidade.
"Suku hela Namanei de'it ona, Namanei atu hala'o ona obra, maibé sira dehan sei estuda tan, Namanei tenke halo para Baukau sai 100% hela aldeia 59 ne'ebé seidauk halo ita bele halo no oras ne'e dadaun sira aprezenta mai ne'e suku Osoala no Maluru mak dadaun ne'e dada hela liñ Eletrisidade”, dehan nia
Iha mandatu atuál PAM Baukau prioridade ne'ebé atu hala'o servisu mak liña eletrisidade tenke kobre Munisípiu Baukau inklui mós Estrada Públiku, Bee-Moos, dadaun ne’e Prezidente Autoridade entrega ona Karta ba Ministru Kompetente sira. (*)