“Tinan ne'e Programa Nasionál Dezenvolvimentu Suku (PNDS) emprega traballadór hamutuk rihun-19, balun serbisu fulan tolu, balun fulan haat, balun fulan neen, hodi servisu ba projetu PNDS. Projetu uma kbi’it laek ne’e tinan ida ne'e ita halo porvolta 1.254 iha teritóriu Timor-Leste tomak, ne'e kada uma iha traballadór por volta na’in-lima, ita vezes ba, 1.254 ne'e emorega pelu menus 6.000 ne'e sira ne'ebé benefisiu simu direta husi uma kbi’it laek ne'e ita seidauk ko'alia ba efeitu multiplikadór sira”, dehan Miguel Carvalho iha Palásiu Governu, kinta (22/07).
Nune'e, Koordenadora PNDS Munisípiu Baukau, Amélia Maria Viegas hatete, servisu ne'ebé MAE orienta iha ona prosesu implementasaun nível suku sira-nian.
“Ita tama ona iha prosesu implementasaun etapa hirak ne'ebé mak iha liu ona sosializasaun nível munisípiu nível suku hotu ona depois iha nia prosesu identifikasaun ba kandidatu ne'e hotu ona agora ita hetan ona ema na’in-tolu kada aldeia iha sai benefisiáriu ne'e mós hetan hotu ona”, dehan Amelia Maria Viegas.
Ba konstrusaun ne'e iha suku balun emana ne'e hala'o ona konstrusaun tanba distribui no halo ona avalisaun no asina ona akordu ho traballadór ka badaen sira.
Implementasaun PNDS atu hasa'e kondisaun sosiu ekonómiku, populasaun iha suku sira. (*)