“Kona-ba dezenvolvimentu ne'ebé mak atu hala'o iha ami-nia rai liliu ba fabrika Timor-Leste Sement, hanesan uluk ha’u hatete tiha ona katak Fabrika Timor-Leste sement ne'e mega projetu, antes atu realiza tenke debate halo didi’ak, ho nune'e labele halo povu sai vítima iha futuru”, dehan nia hafoin hasoru malu ho Prezidente Parlamentu Nasionál, Aniceto Longuinhos Guteres Lopez, iha PN, kuarta (28/07).
Haree ba prosesu hari’i fabrika ne'e governu inisia iha Suku Tirilolo, sei la bandu tanba ida ne'e mega projetu ne'ebé sei lori benifisiu ba Timor-Leste, no poder ne'e governu nian atubele ezekuta.
Maibé populasun iha aldeia Kaisidu, Parlamentu, Lialailesu no Osso-Ua, husi uma fukun 38, konsege hetan afetadu ba mega projetu ne'ebe sei lansa iha Tirilolo.
Maske to'o agora seidauk ko’alia kona-ba distinu komunidade afetadu sira maibé nafatin husu atu governu tenke tur hamutuk ho Tirilolooan sira atu nune'e hasai desizaun labele iha impaktu ba populasaun.
“Ami hakarak mak ne'e, kompaña antes atu realiza, ami tenke tur ho kompaña no governu, hodi deside destinu povu Kaisidu nian, ho didi’ak mak foin bele realiza”, afirma nia.
Tanba, asuntu importante ne'ebé presiza diskute kona-ba indiminazasaun ka (gantu rugi) ba povu ne'ebé nia fatin no nia uma, kuandu fabrika ne'e dudu kona, atu selu oinsá, povu ba hela iha ne'ebé, no karik juventude sira serbisu, serbisu oinsá, selu hira, moras karik kompaña atu trata oinsá, karik mate trata oinsá. (*)