Login to your account

Username *
Password *
Remember Me

Vítima Inundasaun Na’in-731 Sei Ativu Iha Sentru Akollamentu

Inundasaun ne'ebe mosu iha Dili momentu balun liu-ba. Inundasaun ne'ebe mosu iha Dili momentu balun liu-ba. Foto Suplay

Tempotimor (Dili)-Komisaun Interministeriál ba Protesaun Sivil no Jestaun Dezastre Naturál iha kuarta (28/07) halo aprezentasaun ba Konsellu Ministru ho vítima inundasaun hamutuk ema na’in-731 ne’ebé Sei ativu hela iha Sentru akollamentu sira.

Ministru Prezidensia Konsellu Ministru, Fidélis Magalhães hatete, aprezentasaun ne’ebé halo kona-ba ezekusaun ba deklarasaun situasaun kalamidade hodi hanoin fali okorénsia inundasaun iha munisípiu Dili, iha madrugada, loron 4 fulan-abril tinan 2021.

Iha aprezentasaun ne’ebé halo husi Ministériu Administrasaun Estatál no Ministériu Obras Públikas ne’ebé hatudu ona impaktu husi inundasaun no resposta emerjénsia nian, no  atu rekupera estragu sira.

“Daudaun ne’e, sei iha ema hamutuk nain 731 mak hela iha sentru akollamentu neen ne’ebé sei ativu iha sidade Dili. Totál ema hamutuk nain 34 mak mate no nain 14 mak lakon”, dehan Fidelis iha Palásiu Governu, kuarta (28/07).

Tanba iha nasionál, totál husi família na’in-30.322 mak afeta ba inundasaun, entre família sira ne’e, família 24.816 iha munisípiu Dili no uma hamutuk 4.231 mak estraga totál.

“Sei dezenvolve planu ida hodi hari’i sentru alojamentu multifunsaun hodi hatán ba situasaun sira emerjénsia nian hanesan kontribuisaun ba prosesu reorganizasaun urbana no polítika desentralizasaun administrativa no podér lokál”, deklara nia.

Kona-ba resposta Governu nian, ba apoiu umanitáriu emerjénsia, mobiliza ona rekursu umanu no disponibiliza ona beins materiál sira, ekipamentu sira, bee no ai-hán, ai-moruk no nesesidade sira-seluk ba populasaun afetada.

Iha ne’e, kona-ba obras públika, hala’o ona atividade nesesária sira hanesan limpeza, normaliza dalan públika no rekonstrusaun ba infraestrutura sira.

“Durante aprezentasaun, aprezenta mós projetu sira ne’ebé la’o hela ka sei dezenvolve iha kurtu no longu prazu, la’ós atu rezolve de’it estragu sira ne’ebé identifika ona, maibé atu prevene no reduz risku sira husi dezastre sira tuirmai no kria infraestrutura sira ne’ebé rezilente liu”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter