Reprezentante Embaixadór Dezignadu, Carlito Nunes, informa, hasoru malu ho Prezidente PN Aniceto Guteres, atu rona mós ideia hosi Prezidente Parlamentu Nasionál nune’e hala’o kna’ar Estadu nian ho di’ak.
“Ami (embaixadór) na’in-haat hasoru Prezidente Parlamentu Nasional antes ami dezloka ba nasaun ne’ebé mak destakadu atu halo misaun Estadu nian”, dehan nia iha Parlamentu Nasionál, kinta (29/07).
Tanba, polítika negósiu ba estranjeiru ne’e kompeténsia Governu nian, maibé nu’udar embaixadór presiza rona opiniaun hosi órgaun soberanu sira, nune’e bele hala’o kna’ar diplomátika iha rai liur.
Durante enkontru, pontu prinsipál balun mak prezidente PN temi katak agora daudaun Timor-Leste iha hela situasaun pandemia COVID-19, entaun polítika nasaun no mundu nian hothotu ko’alia kona-ba oinsá prevensaun pandemia COVID-19 no oinsá atu haree mós nia impkatu sira ba ekonomia sosiál.
Embaixadór na’in-tolu hanesan Embaixadora Extraordinária no Plenipotensiária Timor-Leste nian ba Nova Zelándia, Felicidade de Sousa Guterres, Embaixadór Extraordinária no Plenipotensionáriu RDTL ba Cuba, Eusébio Corsino de Araújo, Reprezentante Permanente RDTL iha Organizasaun Nasaun Unida (ONU), Karlito Nunes no Enviadu Espesiál com a categoria de Embaixadór Itinerante RDTL ba Asuntu Klimátiku, Adão Barbosa .(*)