"Loron ida ne’e loron TATOLI nia, ha’u hakarak lori ministériu nia naran ho governu tomak hato’o kongratulasaun ba TATOLI ne’ebé mak hala’o tinan 5. bele dehan book-an daudaun la'o ba oin, tenke realiza mehi liliu misaun no papél TATOLI nia husi loron ba loron hadi’a nafatin atu nune’e bele loron ida bele sai di’ak liu,” hatete nia iha edifísiu TATOLI.IP, Farol, sesta (30/07).
Durante ejistensia ajénsia estadu liuhusi estatál, governu iha obrigasaun atu hamriik iha sorin atu kria kondisaun hotu atubele fatór bele ezerse ninia funsaun loloos tuir saida mak hakerek ona iha lei komunikasaun sosiál nomós konstituisaun republika, artigu 40 no 41.
Iha konstituisaun Repúblika mós ko’alia momoos iha ne'eba kona-ba liberdade espresaun no liberdade Imprensa entaun presiza iha obrigasaun hala’o kna’ar ida ne’e.
Maibé governu sei la halo intervensaun ba atividade jornalizmu liliu iha editorial nomós iha prosesu hotu ne’ebé mak ajensia ne’e hala’o.
Husu atu serbisu tuir papél ne’ebé servidor sira ezerse halo favor ezerse ho di’ak ho responsabilidade atu informasaun notísia sira ne’ebé mak sira hasai tenke kredivel, tenke di’ak no fó satisfasaun ba komunidade hotu liliu ba sira ne’ebé mak hakarak duni iha asesu ba informasaun ne’ebé mak loos.
Enkuamtu iha serimónia aniversáriu TATOLI.IP ne’e hetan partisipasaun husi, Eis Prezidente Repúblika, José Ramos Horta, Prezidente CNE, Alcino Barris, reprezentante Estadus Unidos Amerika iha Timor-Leste, Reprezentante Embaixadór Indonézia iha Timor-Leste, Reprezentante Embaixadór Japaun iha Timor leste, Diretór Komisaun Justisa ho Paz Dioseze Dili, Padre Deometriu Xavier, Prezidente Konsellu Imprensa, Virgilio Guterres, Prezidente RTTL.EP, José Antonio Belo, inspetór jerál MAPKOMS, diretór DNDI, diretór Finansas no reprezentante mídia no funsionáriu Ajénsia TATOLI. (*)