Prezidente Komisaun F, Deputadu Noé da Silva Ximenes ‘Buka Tuir’, hato'o kestaun ne'e hodi responde ba preokupasaun Diretora Ezekutivu JSMP kona-ba títulu husi projetu-lei PLJP.
“La’ós de'it títulu, ba definisaun labarik joven ba família ida ne'e mós ita tenke halo define seperasaun iha ne'ebá, tanba aleinde títulu mós tanba ita haree iha títulu ne'e ladun kondisiona ho ita-nia situasaun Timor nian entaun ita tenke englopa ema hothotu, la'ós de'it husi JSMP, maibé inklui sosiedade sivíl nomós komunidade sira ne'ebé fo sira-nia opiniaun ite tenke konsidera tau iha ne'ebá”, hatete nia iha PN, kinta (05/08).
Dadauk ne’e tékniku sira husi Komisaun F, formaliza ona prosesu atu avansa ba deskusaun no aprovasaun ne'e ne'ebé sei hala'o iha loron segunda (12/08).
Tanba ne'e, hein de'it pareser husi deputadu sira-nian hodi bele halo diskusaun no aprovasaun hodi envia ba iha Prezidente Parlamentu Nasional (PN), Aniceto Longuinhos Guterres Lopez, hodi bele submete ba diskusaun jeneralidade iha plenária.
Enkuantu projetu lei ne'e, avansa ho artigu 103, maibé depende ba diskusaun husi Komisaun F tanba posibilidade artigu ne'e bele to'o iha 137. (*)