Tuir observasaun www.tempotimor.com iha terenu nota katak, iha selebrasaun ne'e, xefe aldeia no komunidade Auhun prepara ona tais no organiza dansa kultura hodi hein prezensa Komandante Em Chefe Kay Rala Xanana Gusmão.
Bainhira Xanana ho karreta to'o iha fatin, xefe aldeia no komunidade hakat kedas ba hasoru Xanan hodi tara tais inklui organiza dansa kultura, no akompaña Xanana ba fatin ne'ebé komunidade sira prepara atu tur.
Maibé, hafoin komunidade sira organiza dansa kultura akompaña Xanana hodi hakat ba tenda okos, derepende mosu ona anin boot (fuik), ne'ebé konsege sobu tenda ne'ebé prepara ba Xanana atu tur iha okos.
Ho tenda ne'ebe anin huu monu, Xanana ho komunidade organiza malu konsege hadi'ak hikas durante minutu balun nian laran.
Iha selebrasaun loron FALINTIL ba dala-46 ne'e, hetan partisipasaun másimu husi komunidade aldeia Auhun inklui aldeia sira seluk ne'ebé pertense ba suku Bekora. (*)