Login to your account

Username *
Password *
Remember Me

MJM 'Hakarak' Espoza PM Kandidata-An ba PR

Movimentu Juventude Milennial (MJM) hala'o hela komunikadu imprensa, iha Restaurante Benifica, sábadu (21/08). Movimentu Juventude Milennial (MJM) hala'o hela komunikadu imprensa, iha Restaurante Benifica, sábadu (21/08). Foto Tempo Timor

Tempotimor (Dili)-Movimentu Juventude Miliennial (MJM) hakarak espoza Primeiru Ministru (PM), Isabel da Costa Ferreira atu kandidata-an ba Prezidente Repúblika (PR) iha periodu tinan 2022-2027.

“Relasiona ho festa demokrasia ne'ebé ita sei festeja iha tinan 2022, kona-bá Eleisaun ba Prezidente Repúblika ba periodu tinan 2022-2027. Mak ami Movimentu Juventude Millennial hakarak, husu Dra. Isabel da Costa Ferreira atu kandidata Independente ba Prezidenete Repúblika, iha biban ida ne 'e, ami mós afirma ho prontidaun hodi manifesta ami-ninia apoiu inkondisionalmente ba Kandidatura Dra. Isabel da Costa Ferveira ba iha Eleisaun Prezidente Repúblika”, dehan Portavóz, Aniceto Alberto Carlos iha Restaurante Benifica-Dili, sábadu (20/08).

 Tanba ne'e, Movimentu Juventude Milennial hala'o konferénsia imprensa hodi manifesta sira-nia apoiu inkondisionál, no husu espoza Primeiru Ministru, Isabel da Costa Ferreira atu kandidata-an iha eleisaun prezidensiál.

Razaun hirak ne'ebé mak sai pontu fundamentál, hodi lori MJM atu apoiu Isabel da Costa Ferreira tanba Isabel da Costa Ferreira hanesan kandidatura ne'ebé independente no hanesan mós ema ativista ida ne'ebé desde uluk sempre luta ba kestaun Direitu Umanu iha Timor-Leste.

Tanba to'o agora, Timor-Leste enfrenta problema oioin, no nakonu ho kultura vingativa (Politicamente falando) no la dezenvolve setór-sosiál hothotu.

“Ho razaun hirak ne'e hotu mak, ami juventude hanoin katak, ema ne'ebé tenke sai Prezidente Repúblika, tenke mai husi kandidatura independente no tenke feto”, dehan nia.

Ho ida ne'e, Movimentu Juventude Milennial nu’udar grupu ne'ebé halibur joven barak iha Timor-Leste, hakarak tebes atu la'o hamutuk espoza Primeiru Ministru Isabel da Costa Ferreira, tanba nia hanesan líder joven ida no bele atu loke odamatan ba juventude sira hotu oinsá hatene luta ba mudansa.

Bainhira, povu nafatin eleje kandidatura mai husi partidu, automatikamente dezisaun barak mak sei inklina liuba partidu ka grupu balun no haluha interese-komum, aktu sira ne'ebé anti-demokrasia, laiha valorizasaun ba erói no mártire ba libertasaun patria.

Husu povu Timor-Leste, liliu inan no aman, no joven timoroan tomak, atu hamutuk tau fuan ida, lian ida, kompromísu ida, mehi ida, hodi apoiu ba kandidatura independente Isabel da Costa Ferreira ba PR, períodu tinan 2022-2027. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter