Xefe Komisaun organizadora, Elizabeth Lino Soares hatete, sira sente urgullu tanba primeiru Ministru, Taur Matan Ruak bele halo dialogu ho sosiedade sivíl no komunidade sira iha Uaibitai:

"Retiru ida ne'e oinsá?, FONGTIL halo Dialogu ho Governu, no Governu ho komunidade sira iha Baukau. Eventu ne'e importante tanba durante ne'e Sosiedade Sivíl nunka halo Dialogu direta ho sua esénlensia Primeiru Ministru bainhira ami rona nia iha tempu atu partisipa ami urgullu mai hadi’a fatin iha dialogu ida ne'e”, dehan Elizabeth Lino Soares iha Uaibitai, sábadu (21/08).

Iha biban ne'e aprezenta preokupasaun husi sosiedade sivíl no komunidade sira ne'ebé durante ne'e deskobre no komunidade enfrenta nia preokupasaun hato'o ba Governu nian.

“Dialogu ida ne'e Sosiedade Sivíl sira hato'o sira-nia rekomendasaun baibain sira hetan ona deskobrimentu ne'ebé mak iha e hala'o ona aprezentasaun ba kada liña ministériu no iha oportunidade hato'o diretamente ba sura esénlensia Primeiru Ministru inklui autoridade lokál no komunidade sira iha Uaibitai”, esplika nia.

Iha eventu ne'e atribui mós sertifikadu ba manán na’in ba Organizasaun lokál 16 kona-ba kada proposta sira ne'ebé aprezenta husi tópiku proposta sira kona-ba intervensaun sira hanesan saúde, nutrisaun no seluk tan.

Dialogu ne'e Orsamentu ba preparasaun ne'e hetan suporta husi Gabinete Apoiu Sosiedade Sivíl ho montante rihun US$43. (*)