Ministru Prezidénsia Konsellu Ministru, Fidelis Leite Magalhães hatete, eventu ne'ebé sei hala'o iha Timor-Leste tinan 2022, maibé ho situasaun pandemia sai preokupasaun boot hodi husu atubele adia.
"Harre katak mantein preokupasaun ne’ebé adia eventu ida ne’e, Governu rekomenda hodi adia filafali jogu CPLP da-XII ba tinan 2024", informa Fidelis iha Palásiu Governu, kuarta (25/08).
Maibé Konsellu Ministrus mós haree aprezentasaun husi Ministériu Edukasaun, Juventude no Desportu, Armindo Maia no Sekretáriu Estadu Juventude no Desportu, Abrão Saldanha, kona-ba pontu situasaun ba preparasaun Jogu Desportivu CPLP nian ba da-XII.
"Eventu ne’e prevee atu hala’o iha Timor-Leste, entre loron 10 to’o loron 22 fulan-jullu tinan 2020, maibé adia ba tinan 2022, tanba pandemia COVID-19, hanesan eventu desportivu sira seluk nível mundiál", dehan nia. (*)
