"Konsellu Ministru deside hakotu Konfinamentu Obrigatóriu jerál (Lockdown) iha postu administrativu Ermera no Railaku, iha Munisípiu Ermera", dehan Fidelis iha Ministériu Finansas Aitarak Laran, kuarta (01/09).

Maibé bandu ema atu tama no sai husi munisípiu ne’e, tanba aplikasaun serka sanitária sei kontinua nafatin, maibé sirkulasaun ba seguransa públika, saúde públika, asisténsia umanitária, manutensaun sistema abastesimentu públiku ka realizasaun interese públiku kontinua la'o.

"Maibé nafatin aplika serka Sanitaria no Kumpri nafatin regra ne'ebé mak Ministériu Saúde fó sai inklui Organizasaun Mundiál Saúde sira", afirma nia.

Proibisaun hirak ne’e la abranje ba ema hirak ne’ebé mak komprova ona vasinasaun kompleta (doze rua) kontra COVID-19, nune’e mós ba labarik ki’ik sira ho idade tinan neen mai-kraik ne’ebé akompaña ema sira ne’e. (*)