"Ha’u hanoin aban (15/9) hotu ona, laiha novidade ba hanesan deputadu sira, hala'o iha resesu nia laran. ne'e kontaktu eleitorál ba ko’alia ho ninia militante kona-bá situasaun politika atual, pandemia ho tan orsamentu Jerál Estadu ninia ezekusaun”, dehan nia iha Parlamentu Nasionál (PN), tersa (14/9).
Maske resesu ne'e sei remata iha loron kuarta (15/09), maibé Komunikasaun Sosiál mós durante ne'e akompaña, katak iha resesu ne'e deputadu sira ne’ebé la hola parte iha Komisaun Permanente, sira-nia atividade kuaze normál, hodi halo atividade kontaktu eleitorál.
Durante iha resesu, deputadu Fretilin laiha preokupasaun seluk, tanba preokupasaun ne’ebé hato'o ba komunidade sira oinsá, pro no kontra ba pandemia Covid-19, tanba preokupasaun ne'e mak agora Timor-Leste hasoru hela.
"Ne’ebé realidade atual mak ida ne'e, ita dehan laiha mós iha, iha mós iha nafatin”, esplika nia.
Iha situasaun ida ne'e, deputadu sira mós sempre buka konvense sosiedade no populasaun atu simu vasina, liliu kumpre nafatin regra prevensaun Surtu Covid-19. (*)