"Depois infraestrutura ami-nia edifísiu sira ne'e tuan liu ona mais Graça de Deus ami-nia Ministru Assuntu Parlamentár no Komunikasaun Sosiál (MAPKomS)  tau esforsu maka'as fó apoiu másimu ba ami no ami-nia ekipa iha laran mós hahú servisu maka'as hodi ami bele iha edifisiu provizóriu ida ba RTTL tanba dadaun ne'e tempu besik udan, besik ona e ita hotu hatene katak Kaikoli fatin bee nian”, hatete José António Belo iha Palásiu Governu, tersa (14/09).

Edifísiu Provizóriu ne'e sei konstrui iha Kaikoli no foku liuba estúdiu no fatin servisu ba funsionáriu sira iha RTTL,EP.

Dadaun iha RTTL hahú hadi’a ona lei tanba tempu ne'ebé la'o kle'ur demais nune'e iha hela faze diskusaun oinsá atu hadi’a di'ak liután lei internál sira.

Iha mós planu atu haruka funsionáriu sira ne'ebé remata iha Ensinu Sekundáriu atu kontinuaestudu iha Universidade Nasionál Timor Lorosa'e (UNTL).

"Ami iha rekursu umanu ami iha ema 197 no ami tenke buka dalan oinsá haruka ami-nia ema ba eskola tanba hasa'e tan sira-nia koñesimentu iha ensinu superiór sira depois oinsá lori sira ba tuir treinamentu liliu eskola ne’ebé ami iha ona MoU (memorando of understanding)”, esplika nia. (*)