"Ita tauk sira filafali ba ne'ebá, ita tauk aban bairua situasaun ne'e pior liu ida ne'e entaun, sei lori tempu oituan, naturalmente haree posibilidade halo nusá mak hetan temporáriu ba sira tenke aguente to'o hetan fatin definitivu”, dehan PM iha ninia Rezidensia Faról tersa (14/09)
Governu esforsu atu sidadaun sira labele hetan tan dezastre tanba ida ne'e Governu kontinua buka alternativas ba sidadaun Vítima dezastre naturál sira ne'e.
"Ministériu sira liliu Estatál, Protesaun Sivíl, Planu Ordenamentu ami haree hela, oinsá mak ajuda sira, e lori tempu oituan tanba haree alternativa halo nusá mak tenke ba fatin ne'ebé mak seguru, tanba hela fatin ne'ebé Vítima sira hela ba ne'e risku”, hatete nia.
Dadaun ne'e sidadaun besik atus-ida-resin mak oras ne'e kontinua iha sentru akollamentu no balun ne'ebé mak oras ne'e kontinua okupa eskola sira iha Dili tanba seidauk hetan apoiu material konstrusaun husi Governu. (*)