"Dala-barak ha’u rona dehan katak, ami bankada Governu kontra Governu, la’e, la'ós hanesan ne'e, ha'u hafanun Governu, atu loke matan ba ita-nia povu ne'ebé kbi'it la'ek, no ita-nia oan sira ne'ebé fa'an pulsa, fa'an man-tolun, dader to'o kalan, iha tasi ibun", dehan nia iha plenária PN, kuarta (15/09).
Tanba ne'e, husu Governu labele halo Kmanek Haburas Unidade Nasionál Timor Oan (KHUNTO) triste ho esteitmentu ne'ebé hato'o husi ema balun katak, KHUNTO bankada Governu nian maibé kontra fali Governu.
Bankada KHUNTO konsidera esteitmentu ne'e laloos, tanba Povu fó konfiansa ba KHUNTO tur iha Parlamentu Nasionál atu hatutan povu nia lian, povu nia halerik no povu nia hanoin.
Mesmu nune'e, KHUNTO hein iha Sesaun lejislativa dahaat, ne'ebé parlamentu avansa ne'e, deputadu hotu sei mai ho hanoin ne'ebé foun ho espritu hodi kontinua serví povu.
KHUNTO sei kontinua apoiu governasaun ne'e hodi la'o hamutuk ho partidu FRETILIN no PLP, maibé hanesan ibun husi povu nian sei kontinua hato'o saida mak sira sente no saida mak sira tatoli no hato'o mai iha uma fukun. (*)