Print this page

FRETILIN Konsidera Taur ho Emosaun Deklara Sobu Ponte Bekussi

By September 17, 2021 5163
Deputadu Bankada Frente Revolusionáriu Timor-Leste no Independente (FRETILIN), Marito Mota. Deputadu Bankada Frente Revolusionáriu Timor-Leste no Independente (FRETILIN), Marito Mota. Foto Suplay

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Marito Mota, konsidera deklarasaun atu sobu ponte Bekussi ne'ebé fó sai husi Primeiru Ministru (PM), Taur Matan Ruak, bainhira hala'o vizita ba situasun inundasuan loron 4 fulan-abril, tanba koalia ho emosaun bainhira haree komunidade barak afetadu.

"E Primeiru Ministru kuandu la'o dala-rua, kuandu to'o iha ne'eba, komunidade kuandu hobur nia ho emosi (emosaun), nia hatete katak, sobu ponte ne'e”, dehan nia iha Parlamentu Nasionál, sesta (17/09).

Primeiru Ministru rasik mós hato'o hikas ba públiku, katak Governu rekoiñese prosesu atu sobu ne'e la fasil, maibé agora atu hadi'a filafali ne'e mak uza tempu.

Tanba situasaun iha momentu ne'eba komunidade sira hobur bainhira Taur Vizita Ponte Bekussi, ne'e duni ho emosaun hodi ko’alia hanesan ne'e.

"Iha ponte Bekussi ne'e, ha’u mós hela besik iha ne'ebá, dala-rua mota ne'e sai ameasa duni, ba komunidade sira iha ne'ebá até tun mai Kuluhun mós”, dehan nia.

Impaktu husi ponte Bekussi, konsege hamosu inundasaun dala-rua, iha tinan 2020 no tinan 2021 tanba bee dalan iha ponte nia okos, ki'ik tebes no labele responde hotu volume mota ne'ebe mai lori fatuk, ai no rai henek.

Maske prosesu atu sobu ponte ne'e la'ós ohin sobu aban hadi'a, maibé depende ba planu Governu nian tanba Timór-Leste mós nia orsamentu atu halo tenke liuhusi Orsamentu Jerál Estadu. 

"Prontu Governu iha planu, maibé ne'e Governu nia planu, agora ami hanesan deputadu, hanesan Parlamentu Nasionál hein de'it Governu nia planu, bainhira mak sira atu sobu, bainhira mak sira hadi'a, e sira presiza osan hira atu hadi'a”, hatete nia.

Ho situasuan ne'e hanesan kestaun tékniku atu dehan sobu ka la’e, agora liga ba tékniku sira tenke halo planu, dezeñu, halo BoQ (Bill of Quantity), hafoin lori orsamentu ba aprezenta.

Ho ida ne’e, situasaun ne'e la fasil, tanba hothotu akompaña, ho volume mota mak boot, ida ne'e Governu mak presiza halo normalizasaun iha mota nia ulun, oinsá mak hapara rai henek, fatuk ho ai, nune'e mota mai karik, tenke bee mak mai, no labele kahur malu, rai-henek, no fatuk ka ai.

"Ha’u hanoin ida ne'e iha tempu badak ne'e Governu presiza tau ona atensaun ba mota hira ne'e, hanesan Mota Komoro, liliu situasaun mota Maloa", infoma nia. (*)

Rate this item
(4 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items