"Orientasaun sira ne'e atu mobiliza atividade ne'e maka’as liután liliu relasaun ho Covid kona-ba vasina iha tinan ne'e sai ona kampaña nasionál ne'ebé mak Governu hahú e atu nune'e sidadaun hothotu kontribui ba saúde nasionál, orientasaun ne'e atu kontinua halo atividade sira ne'e iha baze", informa Ministru Francisco hafoin enkontru ho Primeiru Ministru iha nia Rezidénsia, Farol, segunda (20/09).
Orentasuan ne'e atu sidadaun sira hotu tenke simu vasina to'o pursentu 70, nune'e Governu aplika filafali nova normalidade atu nune'e komunidade sira bele halo filme fali sira-nia atividade hanesan baibain.
Tanba ida ne'e mak sidadaun sira kontinua hakbesik-an ba sentru vasinasaun halo kompletu vasina dalarua hodi nune'e bele livre movimentu iha rai laran.
Tanba ne’e, MAPKomS hasoru malu ho Primeiru Ministru (PM), Taur Matan Ruak, atu update informasaun kona-ba servisu iha Ministeriál nia durante semana tolu ba PM la tama servisu tanba afeita Covid-19 iha semana hirak liuba.
"Ohin ha'u mai iha ne'e atu hato'o de'it kona-ba sua esélensia Primeiru Ministru saida mak Mapkoms halo durante semana tolu inklui oinsá mak servisu iha Munisípiu ho kampaña vasina ne'ebé mak ha'u mós hetan kna’ar ida ba halo Manatuto no mós Aileu ida ne'e mak ha'u ohin mak hato'o ba da esélensia”, informa nia. (*)