Login to your account

Username *
Password *
Remember Me

PM Taur Husu MAE-SEPS Buka Solusaun ba Vítima Inundasaun

Primeiru Minsitru (PM), Taur Matan Ruak. Primeiru Minsitru (PM), Taur Matan Ruak. Foto Suplay

Tempotimor (Dili)-Primeiru Minsitru (PM), Taur Matan Ruak, husu Ministériu Administrasaun Estatál (MAE) ho Sekretáriu Estadu Protesaun Sivíl (SEPS) atu buka solusan adeakuadu ba vítima inundasaun ne'ebé sei hela iha lona okos.

"Primeiru  Ministru  nia preokupasaun ba komunidade balun ne'ebé agora sei iha hela tenda, buka solusaun ne'ebé mak tenke ser adekuadu ba sira, tanba sira hela iha ne'eba kleur ona", dehan Sekretariu Estadu Protesaun Sivíl (SEPS), Joaquin José Gusmão dos Reis, hafoin hasoru malu ho PM Taur iha Rezidênsia Farol, tersa (21/09).

Iha diskusaun, Primeiru Ministru fó hanoin halo oinsá atu rezolve problema lalais ba situasaun ida ne'e, tanba vítima sira kleur ona hela iha lona okos.

"Ita halo aproximasaun ba sira, sira hakarak muda ba ne'ebé se sira hakarak muda ba sira-nia família nia fatin, iha rai ruma iha ne'ebá ekipa ba verifika ita fó ajudu ba sira, sira balun hakarak muda fali ba sira-nia fatin munisípiu ne'ebé mak uluk iha ne'eba, ita halo promosaun ho adimistrasaun Estatál ho munisípiu iha ne'ebá haree verika, karik sira iha ne'ebá los duni, ita prepara sasán, prepara material konstrusaun, prepara transporte, ita mos fó osan maun de obra kuadradu ba sira, bele muda ba munisípiu”, informa nia.

Enkuantu vítima inundasaun dadaun ne'e sei iha sentru vokasaun 6 mak sei ativu hela iha Dom Bosco, Manleu Canossa nia kotuk, kampung Manleuana, Hera, Restaurante Metiaut ne'ebé kompostu husi uma-kain hamutuk 131 nomós klibur membru família hamutuk 701.

"Ita sei buka solusaun  ba sira, ita haree hela, ita fó material konstrusaun ba sira atu hari’i uma, mais sira hari’i fali iha fatin risku dezastre, ida ne'e sei sai ameasa ba sira-nia vida”, hatete nia.

Maibé Governu hanoin atu asegura komunidade sira, tanba ne'e sira sei filafali ba sira-nia fatin, tenke hari’i uma iha fatin ne'ebé mak livre husi risku ba dezastre. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter