CNRT Kestiona Arsenio Bano Halo Promesa Falsu ba Ró Haksolok

Deputada CNRT,  Lucia Taeki. Deputada CNRT, Lucia Taeki. Foto Suplay

Tempotimor (Dili)-Deputada Bankada Congresso Nacionál de Reconstrução de Timor (CNRT) iha Parlamentu Nasionál (PN), Lucia Taeki kestiona Prezidente Autoridade Rejiaun Administrativa Espesial Oekussi Ambeno (RAEOA), Arsenio Bano halo promesa falsu atu lori Ró Haksolok mai Timor-Leste iha tinan 2021.

"Ró haksolok, selu millaun US$13.7 e osan 2020, tau tan millaun US$14, promete 2021, Ró ne'e tenke mai iha Timor-Leste. Maibé ita hotu hatene katak, ohin loron sa fulan, e hela fulan-tolu ró ne'e seidauk mai, tanbasá”, dehan nia iha plenária Parlamentu Nasionál (PN), tersa (21/09).

Ho ida ne'e, Povu Oekussi husu ba Governu sentrál, ho Prezidente Autoridade RAEOA,  atu konsidera netik preokupasaun Povu Oekussi nian iha área transporte públiku nian.

Bankada CNRT rekoiñese Governu iha Aviaun atu trasporta komunidade sira, maibé Povu babain laiha osan atu selu aviaun.

"Ita hotu ne'ebé mak fula-fulan simu saláriu, ita sa'e aviaun de'it mós difísil, sá tán povu", dehan nia.

To'o ohin loron, Atonioan ne’ebé dadauk hela iha Dili sente preokupa ho asuntu viajen ida ne'e, tanba difísil tebes ba sira atu hala'o viajen Dili ba Oekussi tanba laiha ró.

"Ho ida ne'e husu ba Governu sentrál ho PA-REAOA hanoin netik ba ita-boot nia povu iha Oekussi, labele loroloron ba haree de'it projetu, maibé haluha tiha transporte atu ita-nia povu iha oekusi", hatete nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter