KI Konsidera Jornalista Agora Kualidade Menus Kompara Tempu Okupasaun

Prezidente Konsellu Imprensa (KI), Virgilio da Silva Guterres. Prezidente Konsellu Imprensa (KI), Virgilio da Silva Guterres. Foto Suplay

Tempotimor (Dili)-Prezidente Konsellu Imprensa (KI), Virgilio da Silva Guterres konsiderra, servisu jornalista agora kualidade menus kompara ho tempu okupasaun Indonézia.

Tanba jornalista uluk halo kna’ar iha presaun rejime nia laran, maibé iha kapasidade atu sees husi dezafiu, maibé ohin loron iha Liberdade no meius teknolojia ne'ebé lais ho kualidade.

“Komparasaun servisu jornalista tempu uluk no agora ne'e sirkumstánsia no dezafiu la hanesan, uluk sira hala'o kna’ar hetan presaun rejime autiritáriu, entaun sira tenke iha kapasidade extraordinária, agora liberdade ema ida-idak ho meius teknolojia, iha kamera iha android bele halo buat hotu lais liu maibé kualidade mós reduz oituan ona”, dehan Virgilio lansa plaka rua Avenida liberdade Imprensa iha Rotunda Xavier, Merkadu Lama, tersa (21/09).

Uluk jornalista iha koñesimentu kona-ba tékniku nia, nomós iha kapasidade atu lobi no oinsá hases-an husi dezafiu maibé agora ne'e diferente.

"Jornalista uluk sira hetan asesu husi fonte ho difikuldade entaun sira mós esforsu atu produz duni notísia ho rezultadu kualidade, no produtu ne'ebé kualidade ho investigativu tanba sira sakrifika sira-nia an mak sira hetan, entaun sira fó ho kualidade, mesmu situasaun difísil maibé kualidade iha, agora iha liberdade ema ida-idak iha meius teknolojia ne’ebé lais, maibé kualidade mós reduz, tanba ho lalais liu entaun faktu laiha no laiha verifikasaun ne'ebé di'ak", hatete nia.

Ho buat hirak ne'e, haree husi aspektu iha diferensa mak ohin loron lais liu maibé verifikasaun ne'e menus, no iha tempu uluk kleur maibé verifikasaun no fonte ne’ebé variable. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter