"Ami, Movimentu Juventude no Sosédade ba Demokrásia, husu ba Mariano ‘Assnami’ Sabino atubele kandidata-an ba Prezidente da Republika 2022-2027", dehan Portavóz, Eugenio dos Santos Menezes, iha jardim 5 de maio, kuarta (22/09).
Pozisaun Movimentu Juventude firme hodi deklara apoiu totál ba Prezidente PD ninia kandidatura hodi bele fó esperansa ba povu nia espetativa.
Tanba, situasaun ne'ebé mosu desde tinan 2017 to'o ohin loron, fó impaktu maka’as ba funsionamentu orgaun soberanu nian, ne'ebé hahú mihis no lakon ninia identidade no failla atu halo salva gurada ba Konstituisaun no garantia ba bens estar povu nian, no dizparalizadu iha sosiedade nia let.
Nune'e MJSD promete sei mobiliza forsa komponente hothotu hodi fó vitória ba kandidatura Mariano Assnami iha eleisaun Prezidensiál tinan 2022.
Maske, Elisaun Presidensiál no eleisaun parlamentár, ne'ebé sei monu iha 2022 no 2023, dadauk individu balu mós deside ona sira-nia kandidatura, nomós ema balu liuhusi Partidu Polítiku sira deklara ona hodi sai kandidatura ba Presidente Repúblika 2023-2027.
Maibé, Movimentu Juventude no Sosiedade ba Demokrásia haree katak atu fó fila hikas konfiansa públiku nian no normaliza orgaun Estadu tomak, ida ne'e presiza figura reisténsia ne'ebé iha kapasidade polítika no iha pensamentu estadista hodi ka'er metin prinsípiu ukun rasik-an ida ne'e no iha vizaun ne'ebé forte.
Tanba ne'e, movimentu juventude no sosiedade ba demokrasia hakarak fanun joven no populasaun iha teritóri tomak atu hamutuk hodi tane no fó vitória ba Kandidatura Prezidente Partidu PD, Mariano Assanami iha eleisaun tuir mai. (*)