"Governu akompaña situasaun hotu, iha unidade vizilánsia epidemiolojika ida ne'ebé mak halo nia servisu iha terenu ne'ebé komforme informasaun sira fó ne'ebé kauza husi mate ne'e iha hela investigasaun ne'ebé semana oin mak sira sei relata maibé dadauk ne'e Sentru Integradu Jestaun ba Krize (SIJK) Sala Situasaun no Ministériu Saúde seidauk rekomenda atu aplika konfirnamentu Obrigatóriu iha Postu Kelikai", dehan Ministru Fidelis iha Palásiu Governu, kuarta (22/09).

Tanba iha PostubAdminisrrativu Kelikai hahú husi fulan-Setembru mai to'o iha klaran konsege rejista ona sidadaun ne'ebé mate hamutuk 50-resin.

Rezultadu husi Obítu ne'ebé mak akontese iha PostubAdminisrrativu Kelikai, Munisípiu Baukau sei iha investigasaun atu hatene kle'an katak sidadaun sira ne'ebé mate durante semana ida hamutuk 50-resin ne'e mate tanba Covid-19 ka la’e.

Maibé Governu kontinua aviza ba sidadaun sira katak kontinua hakbesik-an ba sentru saúde hodi simu Vasinasaun husi doze dahuluk no doze daruak.

Dadaun ne'e, Governu prepara membru Governu sira atu ida-idak filafali sira-nia Munisípiu hodi halo sosializasaun kona-ba kampaña vasina sira.

"Membru Governu ida-idak sei fila nia Munisípiu hodi halo sosializasaun kona-ba kampaña nasionál vasina nian maibé ba sira ne'ebé mak laiha sei troka hodi nune'e halo sosializasaun iha fatin ne'ebá, hahú husi loron 27 Setembru to'o loron 8 fulan-Setembru tinan ne'e”, dehan nia.

Lista sira ne'ebé mak halo preparasaun ba membru Governu sira ne'e iha ona faze diskusaun no sei públika lista finál iha semana ida ne'e. (*)