Tempotimor (Dili) – Veteranu tinan ruanulu resin haat, ne'ebé dedika nia an tomak ba libertasaun nasaun no povu Timor-Leste husi okupasaun Indonézia hatete loron Konsulta Populár ba dala 20 tinan ida ne'e, ema hotu nian.
"Referendu ema hotu partisipa. Katak funu ne'e uluk ita ho referendu mak manan. Referendu manan mai husi terus. Ne'e duni, 30 Agostu ne'e povu hotu nian,” hatete veteranu Manuel Soares 'Funu Lakan' iha seremonia aniversariu FALINTIL ba dala 44, iha Kuartél Jenerál F-FDTL, Fatuhada, Tersa (20/08/19).
Eis komandante peletaun iha rejiaun 3 ne'e akresenta, bainhira Timor-Leste define nia liberdade, ema barak mak mate inklui mós Madre no Padre sira. Tanba ne'e, nia husu ba Governu atu tau prioridade ba ema hotu kona-ba loron Konsulta Popular ne'e.