Login to your account

Username *
Password *
Remember Me

Opozisaun Krítika Arsenio Bano La Konsidera Preokupasaun Povu Oekussi

Deputadu CNRT, José Virgilho. Deputadu CNRT, José Virgilho. Foto Suplay

Tempotimor (Dili)-Bankada opozisaun Partidu Congresso Nacionál de Reconstrução de Timor (CNRT) iha Parlamentu Nasionál (PN) krítika Prezidente Autoridade Rejiaun Administrativa Espesiál Oekusi Ambeno (RAEOA), Arsenio Bano, la konsidera preokupasaun povu iha Oekussi tanba durante ne'e fó prioridade liuba programa Covid-19.

"Prezidente Autoridade RAEOA ne'e, atu ko'alia kona-bá Covid-19, nia mak Covid duni, agora kan nia programa ida iha Oekussi-Ambeno ne'e, buat hothotu Covid hotu de'it. Labele halo buat hothotu, fula-fulan simu osan. ne'ebé agora povu Oekussi halerik hanesan mós ho Ataúro", dehan Deputadu CNRT, José Virgilho, iha PN, sesta (24/09).

Tanba, kaer ba deklarasaun balun ne’ebé hato'o husi atonioan sira ne’ebé dehan (fase ain sa'e kama toba), ida ne'e mak realidade ne’ebé agora akontese iha RAEOA, tanba prezidente Autoridade RAEOA rasik, nia  programa sira kuaze ba asuntu Covid-19 no seluk laiha.

Durante ne'e, sira simu hela osan Estadu, maibé osan sira ne’ebé prevé ba programa iha tinan 2021, to'o agora sira jere hela iha Oekussi, nein halo buat ida.

"Maibé agora povu halerik hanesan mós ho Ataúro, suku ho aldeia balun seidauk lakan", afirma nia.

Purtantu liga fali ba prgrama iha Oekussi, iha  tempu ne’ebé Prezidente Partidu CNRT, Kay Rala Xanana Gusmão sei Primeiru Ministru ne'e konsege aloka osan ba ZEEMS.

Maibé osan ZEEMS nian ne’ebé mak tau ba eletrisdade, Portu no estrada totál tokon US$700-resin, ne’ebé momentu ne'e eis Prezidente Autoridade RAEOA Marí Alkatiri mak jere.

"Saida mak agora akontese. Ita dehan de'it sé Dili karik, sé munisípiu balun ita jere de'it ho US$200 milhões ne'e ita ko'alia nabilan, to'o postu sira nabilan hotu ona, estrada di'ak, eletrisidade tama, ne'e ita la gasta buat barak. Mais Oukussi la’e, US$700 milhões, gasta ba ne'ebá saugati loos", hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter