"Ohin, hetan mós aprovasaun ba projetu rezolusaun Governu nian kona-ba Planu Asaun Nasional ba Ema ho Defisiensia tinan 2021 to'o 2030, ne'ebé aprezenta husi Vise Primeira Ministra no Ministra Solidariedade Sosial no Inkluzaun, Armanda Berta dos Santos”, dehan Ministru Prezidensia Konsellu Ministru, Fidelis Leite Magalhães, iha palásiu Governu, kuarta (06/10).

Planu Asaun Nasionál ba ema ho defisiensia tinan 2021 to'o 2030 atu garante promosaun ba direitu ema ho defisiensia iha períodu tinan 2021-2030, tuir orientasaun sira ne'ebé define ona husi polítika nasionál.

"Politika Nasionál ba Inkluzaun no Promosaun Direitu Ema ho Defisiensia, ne'ebé aprova liuhusi Rezolusaun Governu nú 14/2012, loron 9 fulan-maiu, liuhusi asaun lubun ida atu dezenvolve ho forma artikulada husi entidade públika sira”, afirma nia. (*)