Login to your account

Username *
Password *
Remember Me

CNRT ‘Deteta’ Governu Seidauk Finaliza Pagamentu ba Ró Berlin Ramelau

Ró Berlin Ramelau ne’ebé sei para hela. Ró Berlin Ramelau ne’ebé sei para hela. Foto Suplay

Tempotimor (Dili)-Deputada Bankada Congresso Nacional de Reconstrução de Timor (CNRT) iha Parlamentu Nasionál (PN), Verginha Ana Belo hatete, Governu liuhusi Ministériu Transporte no Komunikasaun (MTK) dadaun ne'e seidauk finaliza pagamentu ba Ró Berlin Ramelau ne'ebé atu lori mai Timor-Leste iha tinan 2021.

"Horisehik (18/10) kalan, ita-nia diresaun sira iha Aportil hatete katak Ró ne'e seidauk bele mai iha ne'e tanba Governu seidauk selu”, dehan nia iha plenária PN, tersa (19/10).

Tanba informasaun ne'ebé mak CNRT simu husi Autoridade Purtuáriu Timor-Leste, institutu Públiku (APORTIL.ip) katak, Ró Berlin Ramelau dadaun ne'e seidauk bele lori mai tanba Governu seidauk selu hotu.

Ba asuntu ne'e, Pozisaun CNRT dúvida tanba  Ministériu Transporte no komunikasaun rasik deklara tiha ona iha fulan kotuk ba, dehan Ró Berlin Ramelau iha ona prosesu atu lori mai Timor-Leste fulan-setembru nia laran, Maibé realidade la akontese.

Ho ida ne'e, Bankada CNRT sente preokupa, bainhira Ró ne'e kontinua la mai, ida ne'e sei difikulta  povu Ataúro ho Rejiaun Administrativa Espesial Oekusi Ambeno (RAEOA) atu hala'o viajen ba mai.

Husu ba Governu atu buka mekanizmu no maneira oinsá rezolve situasaun ida ne'e, nune'e labele kontinua hela ho kondisaun ida ne'e.

Deptada Bankada FRETILIN, Fabião de Oliveira husu, Governu di'ak liu buka maneira atu koordena malu ho Indonézia nune'e bele autoriza hikas transporte públiku hanesan travel hodi hala'o hikas viajen ba Oekussi liuhusi Kupan-Indonézia.

"Fó hanoin filafali ba Governu atu buka dalan oinsá, atu kordena transporte terestre ho Indonézia, atu trevel bele la'o filafali husi Dili ba iha Oekussi”, dehan nia.

Tanba dadaun ne'e populasun atono preokupa tebes atu viajen ba Oekussi hodi bele akompaña loron-boot finadu ne'ebé monu iha loron 2 fulan-novembru tinan 2021.(*)

Rate this item
(0 votes)
Last modified on Tuesday, 19 October 2021 14:25
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter