Empreza ‘Bandu’ Traballadór Timoroan Renova Passaporte iha Korea Súl

Ministru Justisa (MJ), Manuel Cárceres da Costa. Ministru Justisa (MJ), Manuel Cárceres da Costa. Foto Suplay

Tempotimor (Díli)-Ministru Justisa (MJ), Manuel Cárceres da Costa informa, empreza bandu traballadór Timoroan sira halo emisaun (renova) passaporte iha  Korea Súl, durante oras servisu.

"To'o iha ne'ebá patraun sira la fó iha loron serbisu mai iha loron Sábadu ho Domingu de'it, ne'ebé ha'u kontaktu ona ho señora Ministru Negósiu Estranjeiru, se bele ko'alia ho embaixada iha Korea Súl iha Timor-Leste atubele ko'alia ho patraun sira hodi bele rezolve problema ne'e, tanba sira iha ne'e Konsellu Ministru deside katak sira labele para servisu maibé to'o iha ne'eba hasoru fali problema ida ne'e”, dehan Manuel Cárceres ba jornalista sira hafoin reuniaun ho Primeiru Ministru (PM), Taur Matan Ruak, iha Palásiu Governu, kinta (21/10).

Maibé iha Reinu Unidu ekipa sira difísil atu halo emisaun dokumentu ho di’ak, tanba kestaun barak hanesan sidadaun ne'ebé barak tebes iha Reinu Unidu, ekipa Ministériu Justisa ne'ebé to'o Londres tenke halo kuarentena durante loron 5 lima, nune'e limita  tempu hodi atende sidadaun sira. 

Tanba ho difikuldade sira mak Ministru Justisa husu tan pedidiu ba Primeiru Ministru (PM) atu autoriza hodi bele halo kompleta sidadaun ne'ebé seidauk rejistu notariadu hodi kontinua halo emisaun passaporte.

“Iha Reinu Unidu mak presiza atu rezolve sia eselénsia Primeiru Ministru mós konkorda e aseita fó autorizasaun para ha'u haruka filafali ba Reinu Unidu fali iha Korea Súl ha'u esplika ba sira Eselénsia Primeiru Ministru, ha'u prepara ona ekipa haat (4) ekipa rua ba Londres ekipa ida ba Diretamente Irlándia Norte, ekipa ida ba Korea Súl halo hotu tiha sira ne'ebé seidauk rejistu notariadu”, esplika nia.

Aleinde ne'e rede internet ne'ebé lentu iha Timor-Leste halo Baze de dadus ne'ebé inserte online husi Reinu Unidu mai Timor-Leste mós difisil tebes.

Tuir Orariu ekipa haat ne'e sei aranka ba Nasaun rua iha loron 06 to'o 26 fulan-Novembru tinan 2021. (*)

 

Rate this item
(0 votes)
Last modified on Thursday, 21 October 2021 20:07
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter