"Ba se de'it, mak hetan fi'ar ka indijitadu husi maun boot Xanana Gusmão ba kandidtura prezidénsial, ami husi movimentu Frente Polítiku Rezervadu Prontu hodi fó apoiu tomak”, dehan nia iha Bidau Lesidere, sábadu (23/10).
Prezensa Frente polítika Rezervada ne'e nu’udar movimentu Polítiku ida ne'ebé reprezenta vária kámada iha teritóriu tomak, no hanesan mós observadór hodi observa Governu konstituisionál ba dahuluk to'o Governu konstituisionál daualu, ne'ebé mosu impase polítika, ekonómiku no at liután mosu dezastre naturál, inklui pandemia Covid-19.
Iha situasaun ida ne'e lori povu moris iha polítika ida komplexu, ejizente no kontraditória no fó impaktu negativu ba povu nia moris.
Tanba ne'e, FPR deklara sei halibur-an iha Mahon Uniaun Movinentu Demokrátiku no Patriotiku (UMDP), no firme hodi fó apoiu tomak bá, Testamentu Polítiku Komandante em-Chefe, Líder Históriku no Karismátiku Kay Rala Xanana Gusmão. (*)