"Televizaun Timor-Leste indika hetan fiar liuhusi públiku (70%) tuir GMNtv mak (24%) Televizaun Maubere, Televizaun STL, TVe, no Televizaun Guardamor hetan 5% tun mai to'o 1% ninia persentajen laiha siknifikasaun kompara ho TVTL no GMNtv”, dehan Carsiliano Oliveira iha Palásiu Governu, segunda (25/10):
Rezultadu peskiza Nasionál Persepsaun Públiku ba Mídia Estatál no Privadu ne'e hala'o dahuluk iha Timor-Leste atu sukat asesu husi komunidade liliu ba mídia estatál no privadu sira hanesan Televizaun, Rádiu no Jornál sira kompara ho mídia sosiál sira hanesan facebook, Instagram,Website no whatsApp.
Nune'e mós Rádio Timor-Leste (RTL) sai preferensia di'ak liu ho pursentu (54%) husi públiku tuir mai Rádiu Komunidade ho pursentu 34 (34%) no radio GMN, Maubere, Liberdade no RTK hetan fiar menus liu husi pursentu 4 (4%) tun mai to'o pursentu ida (1%) ne'ebé siknifikante la iha kompetisaun atu kompete ho Rádiu Estatál.
Nune'e ba mídia Imprime tuir peskiza durante fulan ida ne'e Jornál Diáriu husi GMNTV komunidade konsege asesu ho pursentu ne’ebé boot.
"Públiku liu preferensia asesu ba jornál mak hanesan tuir mai ne'e, Diáriu Nasional pursentu 39%,Timor Post 34%, STL 8% Independente 7% no Bussines Timor 4% siknifika Diáriu Nasionál ho Timor Post mak domina tebes kompara ho jornál sira seluk”, informa nia.
Rezultadu peskizahusi fonte online katak komunidade asesu no fiar liu plaforma online hanesan Facebook ho pursentu 37 (37%) Youtube ho pursentu 31(31%), Website ho pursentu 22 (22%) no WhatsApp ho de'it pursentu 8 (8%).
"Siknifika dadaun ne'e povu Timór dependente mak'as ba mídia onlin”, deklara nia.
Liuhusi peskiza ne'e mós Governu hakarak hatene no sukat preferensia públiku kona-ba tópiku informasaun polítika nasionál ho pursentu 33% ekonomia no negósiu 20% informasaun Munisípiu edukasaun sosiál 14% sira seluk hetan pursentu 8 tun mai pursentu ida. (8%-1%), siknifika maioria povu Timor-Leste asesu notísia polítika nasionál kompara ho notísia seluk.
Liuhusi tópiku sira ne'e públiku prefere liu Mídia Estatál ho GMNTV ho pursentu 56 to'o 60 ba Radio Televizaun Timor-Leste no husi pursentu 36 (36%) to'o 39 (39%) ba GMNTV no televizaun privadu sira seluk ho de'it pursentu 2 tun mai kraik.
Frekuensia ema ne'ebé asesu totál hamutuk 102.782 ho pursentu (76%) mak loron ba loron asesu ba asesu ba média Komunikasaun iha Timor-Leste. (*)