Login to your account

Username *
Password *
Remember Me

PN Aprova Pedidu EE ba dala-19, KHUNTO 'Lakohi' Governu Limita Sirkulasaun

Deputadu sira aprova renovasaun Estadu Emerjénsia iha Parlamentu nasional momentu balun liuba. Deputadu sira aprova renovasaun Estadu Emerjénsia iha Parlamentu nasional momentu balun liuba. Foto Suplay

Tempotimor (Dili)-Parlamentu Nasionál (PN) deside aprova ona pedidu Prezidente Repúblika (PR) Francisco Guterres ‘Lú Olo’, kona-bá renovasaun deklarasaun Estadu Emerjénsia (EE) ba dala-19.

Maibé Bankada Kmanek Haburas Unidade Nasionál Timor Oan (KHUNTO) lakohi Governu limita liberdade sirkulasaun husi sidadaun sira iha teritóriu Nasionál.

Desizaun autorizasaun ne'e, Parlamentu Nasionál aprova liuhusi votasaun nominál ba projetu-lei autorizasaun renovasaun estadu emerjénsia, ho rezultadu votu afavór 43 kontra 5 abstensaun 12.

"Nune'e parlamentu Nasionál konsege autorizasaun ba Prezidente Repúblika, atu renova deklarasaun Estadu Emerjénsia”, dehan Prezidente Parlamentu Nasionál (PN), Aniceto Longuinhos Guterres Lopes, hafoin termina sesaun deskusaun no aprovasaun ba Pedidu Deklarasaun EE ba dala-19 iha plenária PN, tersa (26/10).

Durasaun husu renovasaun deklarasaun Estadu Emerjénsia ba loron 30 ne’e, hahú iha loron sábadu (30/10) to'o loron domingu (28/11). 

Pozisaun Governu solisita ba Prezidente Repúblika hodi husu autorizasaun ba Parlamentu Nasionál tanba situasaun Covid-19 iha Timor-Leste kazu ativu konfirmadu hamutuk 63, hosi totál 19.770 dezde inisíu rejista kazu no ema na’in-121 mak mate ho covid-19.

Dadus husi mundiál ne’ebé fó sai husi Organizasaun Mundiál Saúde (OMS) katak dadauk ne'e rejista 244.000.000 kazu konfirmadu infesaun SARS-COV-2 no 4.796.000 mate ho sosiadu ho COVID-19.

Tanba ne'e, liuhusi deklarasaun EE ba dala-19 ne'e, ho parsialmente suspende sirkulasaun internasionál, liberdade sirkulasaun, direitu reuniaun no manifestasaun, liberdade kultu no inklui limita no proibisaun realizasaun selebrasaun relijioza, direitu ba edukasaun no halo suspensaun temporária ba prosesu no atividade ensinu aprendizajen ho rejime prezensiál, direitu propriedade no inisiativa ekonomika privada.

Kona-bá direitu rezisténsia sira sei impede hosi autoridade públika bainhira sidadaun sira la kumpre medida.

Maibé deputadu Bankada Kmanek Haburas Unidade Nasionál Timor Oan (KHUNTO), Luís Roberto, husu Governu atu labele limita liberdade sirkulasaun iha teritóriu nasionál tanba populasaun maioria vasina ona.

"Parlamentu nasionál hola duni responsabilidade ida ne'ebé másimu hodi salva duni povu ida ne'e husi surtu covid-19 ninia,maske estadu bele aplika Eatadu  Emerjénsia tanba lei mak haruka. Maibé husu nafatin ba Governu ida ne'e, atu labele mós limita liberdade sirkulasaun sira iha teritóriu nasionál, maiória populasaun simu hotu ona vasinasaun”, dehan nia.

Tanba hanesan públiku tomak akompaña iha dekretu estadu emerjénsia hanesan serka sanitária no konfinamentu obrigatóriu ne'ebé mak durante ne'e Governu aplika konsege afeta ba ekonómia família. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter