PD Kongratula F-FDTL No PNTL Hodi Fó Seguransa Ba VVIP Featured
Dignitarius sira iha hela fatin seremonia aniversariu tasi tolu
foto especial
Tempotimor (Díli) – Partidu Demokrátika (PD) iha Parlamentu Nasionál kongratula institusaun Polísia Nasionál Timor-Leste (PNTL) no Falintil-Forsa Defeza Timor Leste (F-FDTL) ne'ebé fó seguransa bainaka VVIP internasionál sira ho di'ak no profisionál.
Deputadu Adriano do Nascimento dehan, maski sira kolen, maibé sira halo servisu ho profisionál.
"Maske kolen teb-tebes, kalan-loron sira la tama uma. Ha'u hanoin ne'e hatudu ona profisionálizmu hanesan instituisaun defeza no seguransa. Ita orgullu maski ho limitasaun ne'ebé iha. Maibé, sira hatudu profisionálizmu liuhosi fó seguransa ba bainaka internasionál sira mai ne'e,” hatete deputadu Adriano iha PN, Segunda (02/09/19).
Tan ne'e, lori Partidu Demokrátika nia naran, Adriano fó parabens no agradese mós ba PNTL no F-FDTL. Deputadu ne'e mós fó nafatin korajem ba institusaun seguransa no defeza hodi kontinua profisionáliza sira-nia servisu ba futuru.
"Korajem nafatin ba F-FDTL no PNTL, para kontinua ba oin katak nasaun Timor-Leste iha sira nia liman. Tanba, liuhosi ida ne'e sira tau espera ba povu no lider katak ita bele organiza an no ita nia defeza no seguransa," Adriano tenik.
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
Error: No articles to display
.