Login to your account

Username *
Password *
Remember Me

MAPKomS Husu Jornalista Lalika Halo Propaganda 

Tempotimor (Dili)-Ministériu Asuntu Parlamentár no Komunikasaun Sosiál (MAPKomS), Francisco Martins Jerónimo, husu ba jornalista sira lalika halo propaganda tuir interese grupu, maibé tenke serbisu ho profesionál.

"Ha'u husu ba jornalista sira hala'o imi-nia kna’ar ho Profesionál, dala ida tan husu atu hala'o kna’ar ho Profesionál, lalika tau odiu vigansa, lalika halo fali propaganda grupu ida nia, proganda A ninia, propaganda B ninia, ba intensaun ne'ebé ofende ema seluk, ne'e importante tebes”, dehan Ministru Francisco Martins bainhira partisipa iha kongresu ekstraordináriu Timor-Leste Press Union, iha Delta Nova, sábadu (13/11).

Bainhira jornalista sira hala'o serbisu ho profesionál no hatun notísia ho faktus ne'ebé los no kredivel, ema sei  fó parabéns no apresia ho kna’ar jornalista nia, maibé jornalista mak hatun notísia hakarak ofende ema seluk, sei hamosu dúvida iha ema nia hanoin.

"Se ita-boot sira hala'o servisu ho profesionál, bainhira ita-boot sira hatun notísia ho faktus, ne'ebé los no kredível, ema sei fó parabéns, e ema dehan katak sim Seño ida ne’e mak jornalista duni, maibé ita-boot sira nia papel, no informasaun tun mak, iha mak ofende ema, iha mak vinga ema, iha mak hakarak lori grupu balun nia interese atu atinje, ema dehan ida ne'e jornalista ka la'ós”, afirma nia.

Nune'e husu ba jornalista hotu atu halo reflesaun ba ida-idak nia an, bainhira asume kna’ar ida ne'e tenke iha resposabilidade, atu nune'e lalika iha dezentendimentu iha rai laran.

"Ha'u hatene ita hothotu komunga liberdade espresaun, liberdade imprensa, maibé ita mós labele haluha katak, liberdade ne'e iha ninia responsabilidede, liberdade ba ita iha ninia regra, iha ninia limitasaun tuir padraun ne'ebé mak iha”, dehan nia. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter