Iha tomada de pose ne'e, PM husu ba membru sira atu halo apresiasun no foti desizaun kona-ba kazu sira ne'ebé iha disputa kona-ba direitu propriedade beins imsoveis ne'e ho responsabilidede.
"Lei fó podér ba imi atu halo apresiasaun no foti desizaun kona-ba kazu sira iha ne'ebé iha disputa kona-ba direitu propriedade sira nian ba beins imsoveis, nune'e tenke hatene katak podér sira ne'e la'ós direitu ida ne'ebé atribui ba imi, maibé, importante liu, podér ida ne'e nu'udar responsabilidade”, dehan PM Taur Matan Ruak, iha nia diskursu bainhira fó Posse ba membru komisaun rai no propriedade, iha Palásiu Governu, sesta (19/11).
Nune'e tenke hala'o ho laran no étika profisionál ne'ebé aas, ho forma independente, hodi uza imi-nia koñesimentu jurídiku no tékniku, iha kumprimentu rigorozu ba lei, hodi haree ba prinsípiu sira ne'ebé tenke orienta nafatin, ezersísiu husi funsaun sira.
Tanba ne’e, fó hanoin ba Komisáriu, katak tenke hanoin nafatin kna’ar sira, no sei dezempeña ba interese públiku ne'ebé aas liu.
Ministériu Justisa, Manuel Carceres deklara, sira kria Komisaun ne'e ho kompeténsias nu'udar organizmu ne'ebé lei konfia atu rezolve kazu haksesuk malu kona-ba beins imovel ou atu halo apresiasaun ba kazu disputa sira iha ambitu prosesu ba rekoñesimentu no atribuisaun direitu ba titulairdade ral.
"Komisaun Rai no Propriedades ka koñesidu nu'udar Comição das T'erras" kria bazeia ba artigu 55.°, n. ? 1 Lei n. ? 13/2017 % Juñu kona-ba regime espesial ba definisaun titularidade ba Beins Imoveis sira, nune'e Ministériu Justisa kria Komisaun ne'e ho kompeténsia nu'udar organizmu ne'ebé lei konfia atu rezolve kazu haksesuk malu kona-ba beins imovel”, afirma nia.
Natureza Komisaun ne'e nu'udar karaterístika prinsipál Komisaun nian mak Independénsia no responsabilidade, katak Komisaun no ninia membru sira atua ho independente siknifika, bainhira hala'o kompeténsia sira-ne'ebé lei atribui ba sira, la bele husu nein simu instrusaun hosi Governu ka husi kualkér entidade públika ka privada.
Entretantu membru na’in-11 ne'ebé simu tomada Posse, kompostu husi prezidente komisaun rai nain-1, membru nain-8, suplente na’in-2. (*)
