"Agora dadauk ami hein katak Ministériu agrikultura bele hatama oinsá mak bele hadi’a liután, tanba inundasaun nia osan ne’ebé ita aloka ba kuaze US$ 100 milaun. Ne'e mós iha diskusaun orsamentu ami sei husu alokasaun ba hadi’a irrigasaun sira ne'e to'o iha ne’ebé”, dehan nia iha PN, segunda (22/11).
Iha fulan-dezembru agora, Parlamentu Nasional hahú debate Orsamentu Jerál Estadu (OJE) 2022 nian, entaun husu atu MAP esplika ezekusaun ida ne'e.
Husu Governu tenke aselera prosesu manutensaun tanba tinan 2021 sei iha mudansa klimatika no lanina no importante tebes atu halo manutensaun ba irrigasaun iha territóriu.
Tanba Irrigasaun iha territóriu tomak presiza prevé nafatin osan ba manutensaun, tanba irrigasaun, purzemplu Maliana II, nomós irrigasaun hanesan Bulutu, ne'e apoiu ne'e doadór hanesan Japaun mak fó apoiu, no iha periodiku ne'e diadór sira sei haree, liu ne’e Governu mak tenke tau osan.
Enkuantu inundasaun ne'e hanesan esrra ida ne’ebé mak nia volume bee ne'e boot liu, no la espera, tanba estudu ba irrigasaun volume bee la sukat. (*)
