Login to your account

Username *
Password *
Remember Me

Governu Utiliza Rihun US$400 Selebra 28 Novembru, Haluha Vítima iha Lona Okos

Xefe Bankada Congresso Nacionál Reconstrução de Timor (CNRT), Duarte Nunes. Xefe Bankada Congresso Nacionál Reconstrução de Timor (CNRT), Duarte Nunes. Foto Suplay

Tempotimor (Dili)-Xefe Bankada Congresso Nacionál Reconstrução de Timor (CNRT), Duarte Nunes konsidera desizaun Governu hodi prevé orsamentu rihun U$400 ba selebrasaun loron proklamasaun independénsia ne'e hanesan kontribui gastu ida ne’ebé haluha vitima inundasaun sira durante ne’e iha lona okos. 

"Ha’u haree ikus-ikus ne'e, sira haluha tiha ke ema barak sei hela iha lona okos, sei saida ne'e, e ita halo gastu sira ne’ebé ita bele dehan ne'e festa. e ita hotu haree ne'e importante mais la presiza hanesan meua-meua hanesan ita gasta osan para soe de'it, no para fó hán de'it ema. Ne’ebé ha’u hanoin la justu eh, entre ita halo festa ho ema terus ne'e, ita hanoin iha ne'ebé”, hatete  nia iha PN, tersa (23/11).

Tanba kalamidade dezastre naturál iha loron 4 fulan-abril, ema barak mak enfrenta inundasaun, no ida ne'e situasaun ida ne’ebé tuir loloos lalika hanoin ona festa maibé presiza mak aloka osan ba ema ne’ebé presiza liliu vítima refuziadu sira iha lona okos.

"Ita kuandu atu halo ukun ita tenke halo balansu ida, e liliu ita hanoin ida terus ne'e para nia mós kontente oituan. Agora se ola-ola ita haluhan tiha ema terus para agora ita halo festa ne'e”, hatete nia.

Bankada CNRT espera, ho deklarasaun ida ne'e bele fó hanoin ba Governu katak osan ne'e labele halo fali ba festa, no festa ne'e diak liu hamenus.

Maske loron proklamasaun Indepedénsia 28 novembru ne'e nu’udar lodon importante no loron ne’ebé espesiál ba povu tomak atu hatene tuir ninia siknifikadu.

"Ha’u hanoin osan ne'e devia haree tuir ida montante uluk ninia ne'e para sira seluk ne’ebé sente dehan uluk ami-nia ne'e ki’ik nusa mak ida ne'eba boot. Ida ne'e bele hamosu kestaun ida ne'ebé laiha balansu entre munisípiu sira, entaun ida ne'e mós bele iha”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter