Iha prosesu diskusaun ne'e, Ministru Asuntu Parlamentár no Komunikasaun Sosiál, Fransisco da Costa Pereira Jerónimo, husu Ministériu Obras Públika atu haree kustu ba mobilizasaun ekipamentu tore nian.

“Presiza haree mós kustu ba mobilizasaun ekipamentu Torre nian bainhira lori mai to’o iha Timor nomós bainhira lori ba munisípiu refere”, dehan Ministru Jerónimo iha sala Gabinnete MAPKoms, palásiu Governu, kinta (02/12).

Tanba estimasaun ba kustu instalasaun Torre ne'e sei la inklui mós kustu ba hadi’a Estrada no liña eletrisidade, tanba ne’e husu ba Diretór DNE no ekipa Obras Públika atu halo fali revizaun ba Dezeñu Tore refere, hodi inklui kustu mobilizasaun ekipamentu ba to’o terenu nomós kustu ba reabilitasaun Estrada iha fatin tolu ne’e mak Codo-Munisípiu Lautein, Tapo Tas- Munisípiu Bobonaro no Hohonaro Munisípiu Ainaro.

Hatan ba rekomendasaun ne'e, Diretór DNE-MOP Dominggos Sequiera hatete, estimasaun ba dezenu Torre DTMB seidauk inklu kustu ba instalasaun liña eletrisidade no Estrada maibé estimasaun kustu ba mobilizasaun ekipamentu DNE, MOP konsege inklui ona kustu estimasaun. 

Purtantu prosesu halo dezeñu konstrusaun ba tore DTMB ne'e, parte DNE-MOP ho MAPKOMS konkorda atu halo enkontru segundu iha semana rua oin.

Enkuantu iha audénsia ne’e hetan partisipasaun husi ekipa projetu MAPKomS 2021 nomós Xefe Departamentu DNE, Tékniku DNE-MOP no Assesor sira. (*)