"Atu hatete katak aktu ida ne'e ba organizasaun ida nia funsiona di'ak, avaliasaun ne'e importante, métodu avaliasaun iha rua, ida ita hateke ba espellu leno ita-nia an, ida seluk ita rasik mak haree ba ita-nia an”, dehan Elizário Ferreira iha ámbitu avaliasaun ba atividade SEKoop nian durante tinan ida iha Salaun Coconut oil Suku Soru, Postu Administrativu Lospalos Vila, Munisípiu Lautein, segunda (06/12).
Avaliasaun ne'e atu simu ema hotu nia ideia oinsá atu lori instituisaun liu liu Sekretáriu Estadu Kooperativa durante tinan 2021.
"Tanba atividade ne'e atu halo koresaun ba ita-nia an, ba ita-nia organizasaun oinsá mak atubele funsiona, tanba iha organizaun ida nia laran, diversidade entre hanoin, entre traballu, ne'e motiva liután atubele foti diversidade iha organizasaun laran atu sai hanesan dezafiu”, afirma nia.
Tanba ne'e, diresaun no kargu Xefia sira liuhusi diskusaun tenke ko'alia aberta ba malu, atu asegura instituisaun SEKoop iha tinan 2022 mai.
"Ita iha ne'e ko'alia abertu ba malu, ida ne'ebé loos ita hatete loos, dehan laloos ita hatete laloos, tanba ne'e mak kestaun ki'ik sira ne'e ita buka loron rua atu rezolve, atu hadi’a atu hatudu filafali ita-nia, prozisaun ida di'ak oinsá mak atubele la'o ba oin iha tinan 2022”, esplika nia.
Avaliasaun ne'e atu asegura katak iha tinan 2023 mai kualker partidu ida ne'ebé mak manán iha eleisaun, atu asegura katak Sekretária Estadu Kooperativa (SEKoop) ba oin.
Kuandu diversidade ida mak la'o di'ak, tenke tau dezafiu ona obstakulu sira la ba kestaun ka importante maibé la konsidera importante mak instituisaun ida sei la funsiona ho di'ak.
"Tanba ida ne'e mak ita konsentra iha ne'e, ohin no aban, insititusionál SEKoop nian, janeiru 2021 to'o dezembru 2021”, hatete nia. (*)