DNMG Husu Populasaun Kuidadu-an Durante Loron 6 "DNMG informa ba populasaun Timor laran hotu, prinsipalmente ba populasaun hirak ne'ebé hela iha área montañosas, kosta súl no kosta norte Timor nian, katak iha posibilidade atu mosu udan ho intensidade moderadu to'o forte no bele mós lokalmente udan muitu forte akompaña ho anin entre dia 21/12/2021 to'o dia 26/12/2021", aviza ne’ebé www.tempotimor.com asesu husi DNMG, kuarta (22/12).
Tanba, husi previzaun ne'e, posibilidade séi mosu mota tun, raí halai, bee sa'e, aí tohar no eletrisidade mate.
Wainhira udan no anin boot husu ba populasaun sira hadook-aan nafatin husi fatin risku sira no buka hela iha fatin ne'ebé seguru.
"Kazu emerjénsia ruma ou karik presiza halo evakuasaun, matein kalma nafatin, evita pániku no halo tuir orientasaun autoridade lokál ou pesoál protesaun sivil ne'ebé besik", tuir informasaun DNGM.
Informasaun ne'e, válidu to'o loron 27 fulan-Dezembru tinan 2021, tuku 00:00 oras Timor-Leste (otl). Nune'e, husu ba populasaun hotu atu nafatin akompaña informasaun ne'ebé DNGM Timor-Leste atualiza. (*)