Print this page

Fatin Embaixada, TL Husu Resiprosidade Ba EUA  

By September 19, 2019 2641
Ministru Negósiu Estranjeiru no Kooperasaun, Deonísio Babo Soares. Ministru Negósiu Estranjeiru no Kooperasaun, Deonísio Babo Soares. gov.tl

Tempotimor (Dili) – Relasiona ho fatin ba embaixada Timor-Leste nian iha Estadus Unidus Amérika  (EUA), ne'ebé to'o oras ne'e seidauk iha, Governu Timor-Leste liuhusi Ministériu Negósiu Estranjeiru  no Kooperasaun (MNEK), husu resiprosidade ba EUA.

"Kona-ba fatin ba embaixada Timor-Leste nian iha Amérika, ita sei trata hela fatin. Sira husu ba ita no Konsellu Ministru mós aprova ona, katak sira hakarak ita atu fó kontratu ida ba tinan naruk ho presu ida hanesan ne'e, hanesan ne'ebá. Entaun ita konkorda ona. Ministru Justisa mós ko'alia ona, MNEK mós hare tiha ona kontratu ne'e," dehan Ministru Negósiu Estranjeiru no Kooperasaun (MNEK) Deonísio Babo Soares iha Palásiu Prezidensiál Bairru-Pite, Kinta (19/09/19).

Nia afirma, TL husu resiprosidade ba EUA atu fó ba ita hanesan ita fó ba sira. "Ita husu resiprosidade katak ita fó ba sira, sira mós tenke fó mai ita iha Amérika. Ne'e, la'ós dehan fó de'it depois ita ba iha ne'ebá selu nafatin laiha,” nia esplika.

Tuir Babo, prosesu ne'e sei la'o hela. Hotu ona, mak sei asina. Maibé, nia dehan tan, ida ne'e normal.  Tanba iha diplomasia labele ansi.

“Rezolve buat ruma tenke resolve ho kalma no labele prejudika fali ita, ka labele fó de'it vantajen ba sira no ita. Laiha. Ita tenke negosia, haree ho kalma no neneik," dehan Babo.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items