“Agora dadauk kamarada sira, ha’u la kandidatu ba buat ida, maibé ema ataka mak ha’u, ha'u la hadau malu poder ho ema ida, maibé ema ataka mak ha’u. Hai tanba sá”, dehan Alkatiri hafoin partisipa konferénsia Nasionál Juventude FRETILIN, iha CCD, Merkadu Lama, Kaikoli, sesta (18/02).
Tanba Alkatiri rasik la hatene halo sala oinsá bainhira FRETILIN ukun la to'o rohan mós ema temi Mari mak sala, Xanana ukun la to'o rohan mós temi Mari mak sala.
“Entaun Mari nia sala ne'e halo nusa loos”, dúvida nia.
Maibé alkatiri promete sei lori FRETILIN ba to'o vitória, maske nia hanesan sala na'in.
Maibé ema hotu tenke hatene tinan ikus ne'e saida mak atu akontese, no labele haluha buat ida ne'e, tinan lima ikus ne'e katak Prezidente Repúblika ne'e ema FRETILIN no líder FRETILIN inklui Prezidente Partidu FRETILIN.
“Ita sente kedas katak tempu ba Prezidente Lú Olo sai Prezidente FRETILIN, ema hothotu tenta atu sobu Estadu, ataka Prezidente, ataka nia família tomak, prezidente ho nia kalma, la hatan, nia halo nia servisu tuir dalan konstituisaun nia halo servisu atu evita krize politiku”, afirma nia. (*)