Print this page

Amerika injeta milliaun U$ 25 hodi proteje liberdade relijiaun

By September 25, 2019 1346
 Sekretário-Jeral ONU, António Guterres ho Prezidente Estadus Unidus Amerika, Donald Trump partisipa iha briefing Global Call to Protected Religious Freedom. (23 Setembro 2019). Sekretário-Jeral ONU, António Guterres ho Prezidente Estadus Unidus Amerika, Donald Trump partisipa iha briefing Global Call to Protected Religious Freedom. (23 Setembro 2019). Foto ONU/Manuel Elias
Hosi: Raimundos Oki
 
Tempotimor (New York) – Estadus Unidus Amerika sei preve osan hamutuk miliaun U$25 hodi proteze liberdade relijiaun. 
 
 Donald Trump deskreve proteze liberdade relijiaun nu’udar “prioridade a’as” no bolu atensaun ba nasaun sira seluk atu hapara oho no tortura ba komunidade relijioza sira. 
 
“Ohin loron ho lian ida klaru, Estadus Unidus Amerika bolu atensaun ba nasaun hotu iha mundu atu hapara torturasaun ba relijiaun,” hatete Prezidente Trump liuhosi nia diskursu iha eventu Freedom of Religion iha kuartel jeral ONU, New York, Segunda (23/04).  
 
Prezidente Trump mós anunsia estabelesementu koaligasaun foun negosio Amerika nian ne’ebé foka ba liberdade relijiaun ne’ebé dehan sei “dudu setor privadu atu proteze ema hotu hosi relijiaun hotu iha sira nia serbisu fatin”.
 
Atu hapara krime ba ema fiar nain sira, liberta dadur konsiensia, hasai lei sira ne’ebé limita liberdade relijiaun no fiar, proteze vulnerável sira, impotente no oprimidus sira, hatete Trump hodi hatutan Amerika hamutuk ho ema fiar nain sira iha nasaun hotu iha mundu.  
 
Prezensa Prezidente Trump iha eventu ne’e akompaña hosi Sekretadu Estadu, Mike Pompeo, vise Prezidente Pence, ambassador Amerika ba ONU Kelly Craft. 
 
Vise Prezidente ne’ebé introduz Trump katak, nia nu’udar prezidente Amerika dahuluk ne’ebé sai nu’udar uma nain ba simeira Liberdade Relijiaun iha ONU. 
 
Iha nia diskursu, Prezidente Trump reklama katak nia governasaun “hamoos” tiha ona emendas Johnson, dispozisaun kodigu tributaria Amerika ne’ebé bandu organizasaun la’os lukrutivu sira hanesan igreja labele involve iha atividade politika, maibé lei ne’e seidauk eziste 
 
Trump mós kondena perseguisaun ba kristaun, musulmanu, judeu, yazidis no relijiaun seluk iha mundu hodi dehan kuaje besik 80% hosi populasaun global moris iha nasaun ne’ebé sira nia liberdade relijiaun ameasadu.  
 
Iha fatin hanesan, Seketariu Jeral ONU, António Guterres hahu nia diskursu ho fó apresiasaun ba Prezidente Trump, tanba foku ba liberdade relijiaun – problema global ne’ebé ezije no mós besik tebes iha nia fuan. 
 
Nia hatutan, iha tinan 2001, iha nia governasaun nu’udar Primeiru-Ministru Portugal, nia nasaun tau liberdade relijiaun iha konstituisaun ho objetivu atu haluan sira ba relijiaun hotu iha Porugal.
 
“Klaru katak la simu iha sekulu XXI ne’e ba ema sira atu hasoru diskriminasaun no intimidasaun tanba de’it sira nia fiar. Intimidasaun ba relijiaun minoria labele tolera,” hatete eis Primeiru-Ministru Portugal ne’e.
Rate this item
(1 Vote)
Last modified on Wednesday, 25 September 2019 09:16
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items