Login to your account

Username *
Password *
Remember Me

Tempotimor (Baukau)-Komandante Komando Indo-Pasífiku Estadus Unidus Amérika (EUA), Almirante John C. Aquilino, ne'ebé ho aviaun labele tun iha Aeroportu Lanud Munisípiu Baukau, tanba kondisaun iklima.

Tempotimor (Dili)-Membru Militár Ezérsitu husi Estadus Unidus Amérika (EUA) ho Falintil- Forsas Defeza Timor-Leste (F-FDTL) halo lansamentu ezersísiu konjuntu militár ba daruak kona-ba dalan ba dame-22, durante loron 10 iha baze Komponente Terrestre F-FDTL nian iha Baukau.

Tempotimor (Dili)-Governu Konstitusionál daualu, iha loron kuarta (22/06), kompleta tinan haat governasaun, dezde simu pose iha loron 22 fulan-junu tinan 2018, maibé iha jornada Governu daualu nia nakonu hoot dezafiu, ne’ebé konsege hakat liu hodi halo dezenvolvimentu ba povu no nasaun Timor-Leste.

Tempotimor (Baukau)-CPD-RDTL/Fretilin-Movimenru Unijma/Ativista Pro-RDTL sei la hakmatek bainhira Forsa Estadu Unidus Amerika (EUA) la retira husi reabilitasaun aeroportu Munisípiu Baukau.

Tanba ne’e, entrega ona karta ba Prezidente Autoridade Munisípiu Baukau, Olivio Freitas atu tranzmiti ba Prezidente Repúblika, Francisco Guterres Lu Olo hodi tetu preokusaun ne’e.

Koordenador CPD-RDTL/Fretelin-Movimenru UNIJMA/Ativista Pro-RDTL Baukau, Francisco Loi-sahe hatete, dala barak halo konferensia imprensa ba Prezidente Repúblika kona-ba  koperasaun entre Timor-Leste ho nasaun Estadus Unidus Amerika (EUA) ne'ebé halo reabilitasaun aeropotu Baukau, maibé la tau ba konsiderasaun.

"Tanba ne'e, ohin mai hamrik iha Prezidente Autoridade Baukau, hanesan povu nia reprezentante povu Maubere mate restu ne'ebé iha ona organizasaun CPD RDTL Fretilin movimentu nia oin hato'o sira nia aspirasaun ne'e konteudu rezeita reabilitasaun Aeroportu Baukau, ami mensiona ona iha dokumentus ida ne'e, atu transmite ba Prezidente da Repúblika atu bele tetu no halo balansu," dehan Francisco iha salaun VIP administrasaun Baukau hafoin hasoru malu ho PAM Baukau, segunda (17/01).

Nune'e mós, responsavel CPD-RDTL iha setór um, Avelino da Costa  afirma, aspirasaun povu mate restu nian ne'ebé entrega ona ba PAM Baukau atu kontinua diriji ba Governu sentral atu iha tempu badak tenke iha resposta.

"Sé nia resposta laiha, ami organizasaun sei la hakmatek sei ijize nafatin to'o forsa Amerikanu ne'ebé halo reabilitasaun Aeroportu to'o retira ami organizasaun bele hakmatek iha ami nia fatin, se la retira no la hapara, ami prontu asaun ba oin nafatin to'o iha nivél nasionál," nia akresenta

Sorin seluk, responsavel CPD-RDTL Munisípiu Lautém, Domingos da Costa hatutan, kontinua uza papél ne'ebé uza iha tempu rezisténsia hodi antisipa hahalok EUA iha Timor-Leste.

"Tanba, iha mundu sudenste aziátiku nia boot ho sira kapitalista sira provoka iha mundu, kuandu sira kontra malu, bomba ruma iha ne'e, ita sira besik hetan hotu dezastre," nia fó hanoin

Hatan ba preukupasaun ne'e, Prezidente Autoridade Munisípiu Baukau Olivio Freitas hatete, Prezidente Munisípal laiha kompetensia atu hapara projetu refere, maibé konsidera karta ne'ebé entrega ona sei relata ba Prezidente Repúblika, maibé resposta tarde ou sedu kompetensia iha nasionál.

"Depende ita bo'ot sira nia karta konteudu konvense sira fó resposta lalais depende mós konteudu karta nian," nia hatete. (*)

Tempotimor (Dili)-Xefe Estadu Maior Jenerál Falintil-Forsa Defeza Timor-Leste (F-FDTL),Tenente Jenerál Lere Anan Timur afirma, konstrusaun Aeroportu Baukau ne'ebé apoiu husi Estadu Unidus Amérika (EUA) ne'e bazeia ba kooperasaun tékniku militár la'ós apoiu ho intensaun seluk.

Tempotimor (Baukau) - Uniaun Nasionál Juventude Maubere (UNIJMA) ativista pro RDTL husu Prezidenti Repúblika PR, Fransisco Guterres Lú-Olo no Preimeiru Ministru (PM), Taur Matan Ruak atu anula akordu reabilitasaun aeroportu Baukau ne’ebé apoiu husi Estadu Unidu Amerika (EUA).

Tempotimor (Dili)-Vise Primeiru Ministru no Ministru Planu no Ordenamentu Teritorial (MPOT), José Reis, selebra akordu reabilitasaun Aeroportu Baukau ho Estadus Unidus Amérika (EUA), liuhusi Embaixaidór iha Timor-Leste, Kevin Blackstone.

Tempotimor(Dili) - Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur hatete, estadu Timor-Leste (TL) tenke koopera ho Estadu Unidu Amerika (EUA) hodi rekopera reabilitasaun Aeroportu Baukau.

Tempotimor (Díli)- Antes ne'e, iha ona konsensu husi Xefe Estadu Maiór F-FDTL, Majór Jenerál Lere Anan Timur ho Xefe Estadu Forsa Armada Amérika nian, atu halo rehabilitasaun ba Aeroportu Baucau, maibé ikus mai, Governu Timor-Leste baralla tiha konsensu refere.

Tuir Majór Jenerál Lere Anan Timur katak, Governu halo baralla, tanbá la kompriende kooperasaun tékniku militár nian, entre forsa defeza nasaun rua ne'e, tanbá Governu tauk no deskonfia katak, Amérika atu sai fali na'in ba Aeroportu Baucau.

"Amerikanu sira agora preokupadu, tanbá polítiku sira, halo baralla tiha ona sasan sira ne'e, komplika tiha. Maibé asuntu kona-bá Aeroportu Baucau ne'e, ha'u ho Almirante Xefe Estadu Forsa Armada Amérika nian, ko'alia tiha ona, ami bazeia ba ami-nia kooperasaun tékniku militár," dehan Majór Jenerál Lere Anan Timur, iha Palásiu Prezidensiál Bairro-Pite, Díli, kuarta (7/10).

Líder fitun rua ne'e akresenta, maske parte rua intende ona, maibé polítiku sira mak komplika tiha.

"Agora polítiku sira mai komplika tiha, entaun ema sira ne'e mai atu halo saida, la hatene tiha, dalaruma ita deskonfia katak, Amérika mai halo Aeroportu ne'e, keta halo ba sai fali na'in, eipah Timor la sai na'in ona, Amérika mak sai fali na'in?," nia tenik.

Ho situasaun ne'e, Lere Anan Timur husu ba Governu, atu haree didi'ak.


"Polítiku sira, liu-liu Governu, MNEK atu haree didi'ak, tanbá ida ne'e bazeia ba ita-nia kooperasaun tékniku militár, ne'ebé atu ba Aeroportu militár ka sivíl ne'e Governu mak deside," katak Lere.

Alende ne'e, Lere mós husu ba Amerikanu sira, atu kompriende Governu Timor-Leste no Estadus Unidus Amérika (EUA).

Lere Anan Timur mós akresenta, akordu formál ba rehabilitasaun Aeroportu ne'e seidauk iha, maibé akordu mak bazeia ba kooperasaun tékniku militár nian, hanesan Amérika sira mai halo klínika, eskola, maibé Governu halo komplikasaun ba sasan hirak ne'e, hodi sai problema, tanba antes ne'e, Amérika investe uluk ona tokon $.10.

Iha Parte seluk A. da Costa, estudante relasaun Internasional iha Universitariu ida iha Dili, duvidas ho apoiu husi EUA nune'e husu governu nafatin ho politika rekasaun externa ne'ebe iha.

"ha'u hanoin ita presiza kestiona Amerika ninia hakarak atu apoiu hadi'a aeroportu Baukau. Keta halo sira iha hakarak seluk tan ba ita hare sira hahu monta baze iha Darwin. Nune'e duni di'ak liu governu Timor Leste foti osan husi fundu Minarai, investe rasik osan dez miloeins ba reabilita Aeroportu ne'e se Amerika hakarak apoiu ita mais ho de'it Dez miloeins entaun lalika simu," dehan da Costa ba Tempotimor.com (9/10) iha universidade ne'ebe nia estuda ba, iha Dili. (*)

 

PUBLISIDADE

Tempotimor (Dili) - Atu halo reabilitasaun ba aeroportu Baukau maka governu ministériu relevante sira sei buka estratéjia hodi asina Memorandum of Understanding (MoU) entre Timor-Leste ho Estadu Unidus Amérika no Austrália.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter