Tempotimor(Dili)- Eis Sekretária Jerál Parlamentu Nasionál (PN) Cedelizia Faria dos Santos sei hato’o keixa ba Ministériu Públiku (MP) hodi kondena Prezidente Parlamentu Nasionál (PPN) Aniceto Guterres ne'ebé halo akuzasaun no haruka karta ezonerasaun husi kargu sekretária Jerál PN.

Tempotimor (Dili)- Deputada CNRT Virginha Ana Belo hahú ejize governu tenke klarifika no aprezenta rezultadu ezukusaun programa Sesta Bázika, maski governu foin mak implementa iha suku tolu, no seidauk konklui teritóriu tomak.

Tempotimor (Díli)- Prezidente Parlamentu Nasionál (PN), Aniceto Guterres rekoñese, hahú husi diskusaun jeneralidade to'o finál globál, Orsamentu Jerál Estadu (OJE) 2020, ne'ebé aprovadu, tanbá hetan mós kontribuisaun husi deputadu bankada opozisaun, iha Parlamentu Nasionál.

Tempotimor (Dili)-Deputadu husi bankada Fretilin ne'ebé dadaun ne'e ukun sai maioria iha Parlamentu Nasionál (PN) husu ba Prezidente Parlamentu Nasional atu 'soe ona' kartaun votasaun, nune'e bele implementa de'it votasaun eletrónika.

Tempotimor (Dili)-Iha debate Orsamentu Jerál Estadu (OJE) ba tinan fiskál 2020 Congreso Nacional Reconstrução Timor (CNRT) ne'ebé iha inísiu 2020 xumba tiha OJE 2020 ne'e, konxiénte ona katak OJE ne'e ran estadu nian, maka Prezidente Parlamentu Nasionál (PPN) Aniceto Longuinhos Guterres Lopes konsidera CNRT foin 'sadar'.

PPN Aniceto dehan lia hirak ne'e, hafoin deputada Carmelita Moniz dehan, OJE ne'e ran estadu nian.

"Uluk la konsidera orsamentu hanesan ran estadu, hodi halo xumba, to'o la'o ho duadésimu de'it, agora mak dehan orsamentu ne'e ran estadu," dehan PPN Aniceto iha plenária PN, Kuarta (7/10).

Mezmu PPN Aniceto dehan nune'e, maibé deputada Carmelita Moniz husi bankada CNRT katak, OJE ne'e ran estadu, tanba ne'e presiza halo diskusaun kle'an.

"Presiza duni diskusaun ida di'ak, tanba orsamentu ne'e ran estadu nian," katak Carmelita.

Deputada ne'e mós afirma, deputadu sira husu pedidu esklaresimentu husi governu kona-ba orsamentu nian, maibé membru governu inkapasidade hodi responde.

"Hanesan foin dadauk ne'e, ita husu ba mós membru governu la iha kapasidade atu fo resposta, entaun ha'u sekunda deputadu Joaquim nia intervensaun katak, ida ne'ebé laiha proposta, ita taka matan vota de'it, tanba hanesan de'it laiha sentidu importánsia, ita husu mós membru governu la hatan, tanba la preparadu," nia dehan.

Iha fatin hanesan, deputadu Mariano Asanami Sabino husi bankada PD argumenta, OJE nu'udar ran estadu, nune'e antes deputadu ida fó nia votu, presiza halo diskusaun kle'an.

"Ha'u hanoin ba oin lalika iha tan urjénsia ba orsamentu nian, ita ko'alia deskute, tanba ha'u iha problema no hanoin ituan mak halo proposta, maibé ha'u a favór ba programa ne'e, ha'u presiza hatene depois a favór ka ha'u kontra, tanba lahatene mak ha'u kontra, la'os tanba ha'u halo proposta," tenik Nia

Entretantu deputadu Joaquim dos Santos 'Borluli' katak, orsamentu kuandu laiha proposta ba direita votasaun.

"Orsamentu sira ne'ebé proposta laiha ba kedas votasaun", tenik Nia (*)

Tempotimor (Dili)-Mosu asaun ‘goja malu’ iha Parlamentu Nasionál tanba ahi derepente mate no lakan hikas bainhira deputada bankada Fretilin Angelica Rangel hato’o hela ninia intervensaun. Deputadu husi bankada opozisaun hahú barullu no hamosu mós reasaun husi bankada apoiu governu.

Tempotimor (Dili) - Deputadu sira iha Parlamentu Nasionál (PN), Tersa (29/9), hala'o diskusaun ba proposta tetu orsamentu privativu Orsamentu Jerál Estadu tinan fiskál 2021, ne'ebé prevé husi governu ho totál tokon US$ 16.9.

Tempotimor (Dili)-Oservador Polítika Universidade Nasional Timor Lorosae (UNTL) Victor Soares konsidera prezidente Parlamentu Nasional Aniceto Guteres mak sala tanba la halo aprosimasun ho deputadu bankada CNRT atu marka prezensa iha serimonia hari hikas meza Prezidensia.

Tempotimor (Dili)- Aliansa Universitáriu Timor-Leste (AUTL) marka ona audensia atu hasoru-malu ho Prezidente Parlamentu Nasionál Aniceto Guterres hodi aprezenta dadus kona-ba estudante sira neebé laiha kapasidade finanseira.

Tempotimor (Dili)-Deputadu sira ne’ebé mai husi polítika sai dezafiu boot tanba barak maka laiha koñesimentu kona-ba lei. Ne’e duni, durante ne’e difisil ba sira atu halo lei ruma.