Login to your account

Username *
Password *
Remember Me

Tempotimor (Dili)-Deputadu Bankada Partidu Demokrátiku (PD), Adriano do Nacimento hatete, nia parte sai vítima ba moras covid-19 tanba hetan infetadu hodi foin lalais kumpre ona auto-kuarantena durante loron 14 iha Sidade Dili.

Tempotimor (Dili)-Deputadu Bankada Congresso de Reconstrução de Timor (CNRT) iha Parlamentu Nasionál (PN), Patrocino Fernandes konsidera, Ministériu Saúde (MS) durante ne'e subar informasaun ba sidadaun ne'ebé simu ona vasina inválidu, tanba seidauk iha esplikasaun kona-ba efeitu husi Vasina astraZeneca invalidu.

Tempotimor (Dili)-Vise Xefe Bankada Congresso Nacionál de Reconstrução de Timor (CNRT) iha Parlamentu Nasional (PN), Patrocino Fernandes dos Reis, krítika Governu ne’ebé durante ne'e konserta liuba asuntu Covid-19 liuhusi Sentru Intergradu Jestaun ba Krize (SIJK) hodi hamohu Orsamentu Jerál Estadu (OJE) 2020-2021.

"Entaun ita atu hatete dehan saida, orsamentu boot ne'ebé prevé iha OJE tinan rua nian, konsentra de'it ba  atu selu grupu oan ida ne’ebé Ministériu hothotu konsentra servisu ba asuntu covid-19. Ne’ebé ita kuandu ba SIJK, ita haree iha ne'eba, ne'e ema ne'e atus ba atus liu dok edifísiu Ministériu sira ne'e hotu, orbjetivu saida, para bele hamohu netik fundu Covid ne'e”, dehan nia iha PN, sesta (17/09).

Iha tinan 2021 ne'e, ezekusaun OJE mínimu tanba membru Governu sira-nia tarefa úniku, mak atu ezekuta orsamentu Covid-19. Maibé ida ne’e de'it mós la rezolve problema tanba iha fatin barak liu la selu osan liña frente ba pesoál Polísia, médiku, jornalista.

Desde tinan 2019 to'o 2021, bankada CNRT haree Governu mak laiha duni kapasidade atu ezekuta orsamentu.

Tanba realidade Orsamentu Jerál Estadu 2021 ho montante billaunUS$2.1 no agora iha fulan-setembru besik tama ona ba fulan-outubru maibé sira-nia kapasidade ezekusaun foin atinje pursentu 49.

Tuir rejimentu Parlamentu Nasionál nian katak, loron 15 fulan-outubru, Governu tenke submete fali ona Orsamentu Jerál Estadu mai iha Parlamentu Nasionál, atubele tuir nia prosesu sira.

Bankada CNRT nu’udar opozisaun lamentável tebes  ho Orsamentu Jerál Estadu tinan (2020-2021) hamutuk kuaze Billaun US$3.5 no membru Governu ne’ebé mak ho diskursu furak-furak, kapas no mehi mesak furak, atu hadi'a povu nia moris, maibé realidade laiha.

Tanba ne'e, CNRT  triste tanba to'o ohin loron, vítima afeta dezastre naturál iha loron 4 fulan-abril mós agora dadauk lubuk ida iha Manleu sei hela iha lona okos.

Ho asidente ne’ebé akontese iha loron 4 fulan-abril, la prevé iha OJE 2021 ne’ebé ho nia montante billaun US$1.9, rajaun ida ne'e mak Governu lori fali orsamentu retifikativu mai iha PN katak atu tau konsiderasaun ba ida ne'e.

"Retifikativu ne'e halo iha abril, e ohin setembru, ita hothotu sei haree povu hothotu sai testamuña, membru Governu sira halai iha Dili laran, ho eskoltu sira hanesan urjente ida be rai atu naben nian, maibé kapasidade atu rezolve problema povu nian mak ida ne'e”, hatete nia. (*)

Tempotimor (Dili)-Deputada Bankada Congresso Nacional de Reconstrução de Timor (CNRT), Verginha Ana Belo, akuza  Prezidente Parlamentu Nasionál (PN), Aniceto Longuinhos Guterrea Lopes, privatiza Parlamentu Nasionál, no uza hanesan kompaña privadu tanba la autoriza Vise Prezidente PN, Maria Angelina Sarmento organiza sesaun solene iha prosesu lejislativa da-haat.

Tempotimor (Dili)-Bankada Congresso Nacionál de Reconstrução de Timor (CNRT) iha Parlamentu Nasionál sente triste ho Governu ne'ebé lidera husi Primeiru Ministru (PM), Taur Matan Ruak, abandona vítima inundasaun iha loron 4 fulan-abril liuba hela nafatin iha lona okos.

Tempotimor (Dili)-Deputadu Bankada Congresso Nacional de Reconstrução de Timor (CNRT), Domingos de Carvalho, akuza Governu hakarak moras covid-19 hamosu nafatin iha Timor-Leste, tanba Konsellu Ministru (KM) dekreta lockdown iha Dili, maibé loke fronteira ema tama-sai ho livre.

Tempotimor (Dili)-Deputadu Bankada Opozisaun Congresso Nacional de Reconstrução de Timor (CNRT), Domingos de Carvalho, deskonfia Governu laiha orsan atu kria bairu foun ba vítima afetadu inundasaun loron 4 fulan-abril liuba, tanba fulan lima ona vítima sira sei hela iha fatin refujiadu.

Tempotimor (Dili)-Deputadu Bankada Congresso Nacional de Reconstrução de Timor (CNRT), José Virgilho, krítika Bankada Partidu Demokrátiku (PD) ne'ebé tonka ba Prezidente Parlamentu Nasionál (PN), Aniceto Longuinhos Guterres Lopes ho Vise Prezidente PN, Luís Roberto da Silva hala'o viajen ba nasaun Áustria.

Tempotimor (Dili)-Deputadu Bankada Congresso Nacional de Reconstrução de Timor (CNRT), José Vergilho, kontra membru Parlamentu Nasionál (PN) na'in-tolu ne'ebé sei desloka ba Nasaun Áustria hodi tuir konferensia, tanba sei gasta osan saugate de'it.

Tempotimor (Dili)-Padre Martinho Germano da Silva Gusmão, krítika Prezidente Repúblika (PR), Francisco Guterres "Lú Olo", durante ne'e kedok fali servisu Parlamentu Nasionál (PN) ho Governu nian.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter