Tempotimor (Ermera)-Vise Prezidente Parlamentu Nasionál (V-PPN), Luis Roberto da Silva, nia parte agradese no apresia ba Deputadu Membru Assembleia Konstituente hamutuk 88 ne'ebé halo aprovasaun ba Konstitusaun Repúblika Demokrátika Timor-Leste (K-RDTL), ne’ebé aplika ona durante tinan 20 nia laran hanesan lei inan ba Timor-Leste.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, hamutuk ho deputadu Luis Roberto da Silva no Deputadu António da Conceição, sei hala'o viajen ba nasaun Áustria, aban, sesta (03/09) hodi partisipa konferensia parlamentar.

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), Luís Roberto husu povu atu halo reflesaun iha uma, liga ho selebrasaun (loron 30 fulan-Agostu tinan 1999) kona-bá Konsulta Populár dala-22.

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), Luís Roberto konsidera, Primeiru Ministru (PM), Taur Matan Ruak, halo retorika, tanba deklarasaun ne'ebé fó sai sidadun simu ona vasina dalarua (2) livre movimentu maibé desizaun Konsellu Ministru aplika konfinamentu domisiliáriu jerál hodi bandu sidadaun hotu atu la'o.

Tempotimor (Dili)-Deputadu Bankada Kmanek Haburas Unidade Nasionál Timor Oan (KHUNTO), Luís Roberto, ejize ba Governu atu hari’i uma ba sidadaun ne’ebé moras mentál.

Tempotimor (Dili)- Deputadu husi Partidu Kmanek Haburas Unidade Nasional Timoroan (KHUNTO), Luis Roberto hateten propagasaun surtu COVID-19 bele la oho ema maibé hamlaha bele oho ema bainhira governu la distribui ai-haan bázika ba iha komunidade munisípiu Covalima ho Bobonaro.

Tempotimor (Dili) – Deputada Bankada KHUNTO iha Parlamentu Nasionál, Olinda Guterres hato'o  ninia kritika ba deputadu husi Bankada FRETILIN, ne'ebé hili posisaun pasivu iha votasaun ba proposta urjénsia governu nian kona-ba OJE 2020, Segunda (23/12/19) iha sesaun plenária.

"Ha'u hanoin kolega sira ne'ebé mak tuur muron hela ne'e, tempu ikus mai lalika vota sira. Ba kampaiña lalika vota tun sa'e. Lalika vota sira. Mai vota ba KHUNTO de'it ona. Mai tuur iha ne'e para simu osan futun boboot, depois lakohi ko'alia povu nia direitu," tenik Olinda.

Iha fatin hanesan, deputadu Luis Roberto mós fó hanoin katak bainhira deputadu sira iha plenária laran, tenke vota.

"Bainhira deputadu iha plenária laran, tenke vota. Maibé, deputadu balun tuur iha ne'e mais la vota. Ne'e, tanba saida? Ida ne'e mak dehan em nome povu nian? Ne'e polítika fo'er. Rejimentu hakerek momoos katak o atu vota kontra ka a favór ka abstensaun tenke vota. Maibé, balun tuur hela iha ne'e mós la vota.  Ne'e tanba saida? Ne'ebé ita keta lohi povu," afirma Luis.

Hatán ba deputadu husi bankada KHUNTO, deputadu bankada FRETILIN, José Pacheco dehan, nia la fó votu ba proposta urjénsia governu nian ne'e, tanba sei OJE 2020 ne'e nesesita ba povu nia moris duni, nusa mak retira tiha fali.

"Sei orsamentu ne'e nesesita duni ba povu nia moris, nusa mak retira tiha fali? Nusa mak bankada governu la defende orsamentu ne'e. Retira tiha, depois haruka mai fali. Urjente fali. Sei orsamentu ne'e importante ba povu, nusa la rezolve uza ida ne'e. Maibé, mai mak retira-retira de'it. Ne'ebé, ha'u la vota, tanba razaun ida ne'e. La'ós tanba ha'u laiha interese ba povu. Ne'e la'e," dehan Pacheco.