Login to your account

Username *
Password *
Remember Me

Tempotimor (Dili)-Parlamentu Nasionál (PN) ohin kuarta (06/04) halo diskusaun ho operador Komunikasaun 3 hanesan Timor Telecom, Telkomcel no Telemor hodi hadi’a servisu internete iha Timor-Leste.

Tempotimor (Dili)-Komisaun E ne’ebé trata asuntu infraestruturas, transportes no Komunikasaun iha Parlamentu Nasionál, husu Ministériu Obra Públika (MOP) responde problema inundasaun ne’ebé koontinua mosu nafatin iha kapitál Dili, bainhira tempu udan.

Membru Komisaun E ne’ebé trata asuntu infraestruturas, transportes no Komunikasaun iha Parlamentu Nasionál, Domingos de Carvallo hatete, inundasaun ne’ebé mosu ema hotu haree, tanba husi populasaun tomak ne'e observa durante inundasaun husi loron 4 fulan-abril to’o agora, aumenta nafatin problema.

“Problema ita ko'alia ba atu hamenus problema sira hanesan inundasaun lori ema e depois baleta sira taka tomak, bee halai la tuir nia dalan ona, ne'e desizaun filafali mai iha Governu, kompeténsia Governu nian, e Governu mak ne'e nia tutela ba Ministériu Obras Públika ninian para hodi haree asuntu ida ne'e, problema ida ne'e”, dehan Deputadu Domingos iha Parlamentu Nasionál, kuarta (30/03).

Ba inundasaun ne’ebé kontinua akontese, tanba normalizasaun ne’ebé halo seidauk atinje pursentu 100, maibé bee dalan ne’ebé iha kuandu hamoos bainhira uda bee bele halai tuir nia dalan. Maibé iha tinan 2022, inundasaun kuaze maka’as liu akontese iha teritóriu tomak.

“Ha'u la menta tebtebes wainhira iha plenária sempre ko'alia kona-ba problema e husi Ministériu Justisa, teras propriedade no líder komunitáriu sira tenke ita-nia populasaun sira ne'ebé mak hela iha fatin risku, liliu hela iha fatin risku hanesan dadauk iha mota ibun ka, iha fatin ne'ebé lolos para la merese atubele hela iha ne'ebá ne'e tenke evakua”, deklara nia.

Tanba komisaun E sempre hato'o ona problema inundasaun iha plenária atu Ministériu Obras Públika evakua komunidade ne'ebé hela iha fatin risku

“Foin dadauk mós ha'u ko'alia beibeik problema ne'e ba iha plenária ne'e, tenke evakua tiha ema sira ne'e, para foku los de'it ba halo normalizasaun ka, atu halo saida?. Obras públika bele haree ida ne'e. Se ita husik, entauk ita hakarak dehan atu aumenta tan risku ne'e mai tan, mai tan ita-nia populasaun sira”, afirma nia.

Tanba ne’e, tenke halo normalizasaun ida, obras públika tenke tau ekipa ida atubele haree fatin sira ne'ebé mak risku sira, hodi hamoos bee dalan atu la bele halo bee halai tama fali komunidade nia uma no sai fali dezastre. (*)

Tempotimor (Dili)-Bankada Frente Revolusionáriu Timor-Leste no Independente (FRETILIN) no Partidu Libertasaun Populár (PLP) inklui Kmanek Haburas Unidade Nasionál Timor Oan (KHUNTO) sei hadau malu ba kargu Prezidente Komisaun E trata asuntu Infraestrutura, Transporte no Komunikasun iha Parlamentu Nasionál (PN).

Tanba Prezidente sesante Abel Pires ne'ebé mak durante ne'e sai kompozisaun ba meza komisaun E, dadauk asume ona kargu Ministru Obras Públika (MOP) iha Governu daualu, nunne'e iha deliberasaun ida atubele hili fali deputadu ida sai Prezidente ba Komisaun E.

Vise Prezidente Komisaun E, Fabião de Oliveira hatete, kona-ba halo substituisaun ba eis-Prezidente Komisaun E, Abel Pires ne'e depende ba deliberasaun no eleisaun iha semana oin, bele FRETILIN mak lidera ou se la'e KHUNTO no PLP mak lidera.

“Depende ba eleisaun deliberasaun iha membru Komisaun E, bele maihusi FRETILIN nian, bele mai husi PLP nian. Sira ne'ebé agora ukun dadauk ne'e, iha Bankada de Plataforma de Intendimentu ba Governu ida ne'e”, hatete nia iha Parlamentu Nasionál, kuarta (23/03).

Tanba atu substitui ne'e, labele dehan Prezidente Abel Pires da Silva ba asume tiha kargu foun automatikamente vise-Prezidente mak atu sa'e ne'e laloos, tanba prosesu hotu sei hala'o tuir baze legal ne'ebé previstu ona iha rejimentu Parlamentu nian.

Nunne'e, iha semana oin Komisaun E sei tau ajenda ida ne'e atu halo eleisaun ka deliberasaun ida atu hili filafali kompozisaun ba meza komisaun E asuntu infraestrutura, transporte e komunikasaun.

"Lista ne'e iha tiha ona, imi horisehik haree substitui tiha ona Doutor Abel husi Bankada PLP nian, e depois aprezenta lista ne'e husi membru komisaun E, sé aprezenta lista dehan katal naran ida ne'e ami propoin se karik bele sai Prezidente ba Komisaun E, depois mak halo deliberasaun ba eleisaun para hetan legalodade husi membru komisaun”, informa nia. (*)

Tempotimor (Dili)-Deputadu Bankada Frente Revolusionáriu Timor-Leste no Independente (FRETILIN), Fabião de Oliveira, hakarak Komisaun E ne'ebé trata asuntu Infraestrutura, Transporte no Komunikasaun iha Parlamentu Nasionál (PN) kolabora ho Ministru Obras Públika (MOP), Abel Pires da Silva atubele rezolve problema infraestrutura báziku sira.

Tempotimor (Dili)- Membru Komisaun F ne'ebé trata asuntu Saúde, Seguransa Sosiál no Igualdade Jéneru, Maria Gorumali Bareto konsidera, desizaun Ministériu Turizmu Komérsiu no Indústria (MTKI), Diresaun Inspesaun Jerál ba Jogu (IGJ) ne’ebé autoriza operadór jogu (bola gulin) loke iha fatin públiku, sei eduka komunidade ho violénsia no na’ok.

Tempotimor (Dili)-Bankada Frente Revolusionáriu Timor-Leste no Independente (FRETILIN) hakarak Parlamentu Nasionál liuhusi Komisaun E trata asuntu infraestrutura kria ekipa ida hodi halo fiskalizasaun direta ba konstrusaun Ró Haksolok iha Nasaun Portugal.

Tempotimir (Dili)-Parlamentu Nasionál (PN) liuhusi Komisaun E trata asuntu infraestrutura, sei aprezenta problema Mota Loes ba Governu iha  audensia públika ba proposta Orsamentu Jerál Estadu (OJE) tinan fiskál 2022.

Tempotimor (Díli)- Vise-Prezidente Komisaun E Parlamentu Nasionál Fabião de Oliveira hatete, halo mudansa ba meza Parlamentu Nasionál to'o mai komisaun espesializada sira atu hadi'a di'ak liu tan servisu ba oin.

Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter