Tempotimor (Dili)-Ministra Saúde interina Elia dos Reis Amaral informa katak ema estranjeiru husi Europa ida ne'ebé pozitivu Corona Virus Deasses 2019 (Covid-19) hala'o ona nia atividade hanesan baibain.

Tempotimor (Dili)-Ministra Saúde interina Elia dos Reis Amaral hatete, nia la hatene Timor-oan na'in 59 ne'ebé foin fila husi Australia iha ne'ebé.

Ministra Elia dehan, nia hatene katak Timor-oan liu na'in 50 husi Australia mak fila ona mai Timor-Leste, maibé nia la hatene sira agora iha ne'ebé.

Lee mós: Ohin Timor-oan 59 husi Australia To'o, Aban iha Singapura no Indonezia sei Tuir

"Timor-oan husi Australia ne'ebé ohin to'o iha ne'e liu na'in 50, ha'u hanoin apoiu ne'e iha fatin refere, mais ha'u la hatene iha fatin ne'ebé, tanba ami iha tiha enkontru," dehan Elia iha Sentru Konvensaun Dili, Sábadu (28/03/2020).

Entretantu, iha Sabadu (28/03) dader, Timor-oan na'in 59 ne'ebé durante ne'e tuir programa Seasonal Worker Program (SWP) hamutuk na'in 59, to'o iha Aeroportu Internasional Nicolau Lobato ho aviaun Air North.

Tuir informasaun, Timor-oan ne'ebé hala'o serbisu iha Australia hamutuk na'in 1.074. Husi númeru ne'e, na'in 59 mak fila mai ona.

"Timor-oan hamutuk 59, ha'u fahe hotu ona ba fatin (kuarentena) rua tuir desizaun Ministériu Saúde nian, entaun na'in 20 iha City Hotel, tanba ema simu limitadu no na'in 39 ne'e dezloka ba iha kuarantena Metiaut nian," informa autoridade ne'ebé simu Timor-oan sira ne'e iha Aeroportu Internasionál Nicolau Lobato Dili, Sábadu (28/03/2020).

Autoriedade ne'e dehan, trabaladór Timor-oan na'in 1.015 sei fila hotu mai Timor-Leste, tanba Australia daudauk ne'e implementa lockdonw no vida moris iha ne'ebá karun.

"Ha'u liga ona ba adidu iha Australia katak Timor-oan ne'ebé sei iha Australia ne'e hamutuk 1.015. Tanba estadu (Australia) lockdown durante fulan tolu ne'e sira la serbisu, kustu vida karun entaun obrigatóriamente fila mai Timor-Leste," nia dehan.

Tuir fonte ne'e, iha Domingu (29/03), Timor-oan lubuk ida husi Singapura no Indonezia sei mai tan Timor Leste.

"Aban (Domingu 29/03) aviaun tolu mak sei to'o tan, aviaun rua husi Indonézia hanesan Sriwijaya no Citilink no aviaun Airlines husi Singapura," nia dehan.

Tuir nia, bainhira Timor-oan sira ne'e fila hotu mai, governu sei hetan difikuldade atu akumula sira tanba kuarentena ne'ebé governu prepara la sufisiente.

Tempotimor (Dili)-Atu prevene transmisaun Corona Virus Deasses 2019 (Covid-19) governu Timor-Leste prepara fatin kuarentena ba Timor-oan sira ne'ebé foin fila husi rai li'ur, liu-liu husi nasaun sira ne'ebé afetadu.

Tempotimor (Dili)-Informasaun kona-ba Suspeitu Covid-19 iha Same ne'ebé Primeiru Ministru anunsia iha Parlamentu Nasional hamosu polemika. Tuir PM Taur konfuzaun ne'e hamosu husi Ministra Saude interina Elia dos Reis Amaral.

Tempitimor (Dili) - Governu Timor-Leste sei halo vijilánsia másimu iha área fronteira terrestre hodi halo prevensaun ba Coronavirus Disease 2019 (Covid-19) tama mai Timor-Leste .

Tempotimor (Dili) - Ministériu Saúde informa ba públiku tomak katak, to'o ohin loron Timor-Leste sei livre husi Corona virus.

Tempotimor (Dili) - Ministériu Saúde (MS) rekoñese fasilidade iha Ospitál Nasionál Guido Valadares (HNGV) sei menus, tanba ne'e sei iha pasiente balun kontinua toba iha rai.

Tempotimor (Dili)- Aderito Hugo da Costa husi Bankada Congreso Nacional Reconstrução Timorense (CNRT), husu Primeiru Ministru (PM) Taur Matan Ruak atu rezolve dezentendimentu ne’ebe hamosu husi membru governu AMP na’in rua iha Ministeiru Saude tan ba desizaun PM hodi hamosu pozisaun rotativa ne’e.

Tempotimor (Dili)-Deputada Bankada KHUNTO Olinda Guterres husu ba Primeiru Ministru Taur Matan Ruak atu hatama iha Vise Ministru Saúde na’in rua, Elia dos Santos Reis Amaral no Bonifacio Mau Coli, iha lista remodelasaun.

Tempotimor (Dili)-Gravasaun lian haksesuk-malu entre Vise Ministru Saúde na’in rua, Elia dos Santos Reis Amaral ho Bonifacio Mau Coli, konsege sai viral iha media sosial. Responde ba ida ne’e, governu hahú ona investiga see mak grava no sirkula gravasaun lian Elia ho Mau Coli.

Sekretariu Estadu Komunikasaun Sosial (SEKomS) Mericio Juvinal dos Reis Akara dehan, investigasaun mak sei determina see mak fó sai gravasaun lian ne’e.

Favor Loke Video

https://www.youtube.com/watch?v=vmxicMU14t4

"Investigasaun mak sei hatudu, sala ne'e iha ne'ebé, iha era dijital ne'e tenke kuidadu, ne'ebé atu justifika video ne'e di'ak ka la di'ak. Se problema ne'e mak ami governu lamenta, ne'e mak ami atu investiga ne'e, kuandu iha ona rezultadu, mak ida ne'e halo sala ne'e, nia sei hetan konsekuénsia," dehan Akara.

Entretantu, relasiona ho gravasaun lian ne’e, deputadu husi bankada FRETILIN iha Parlamentu Nasionál husu atu tenke iha medida ekilibriu ba Elia no Mau Coli.

"Médida ne'e tenke ekilibriu. Ba governante na'in rua ne'e mós tenke iha médida, ida ne'e reflete ba governasaun ida ne'ebé laiha responsabilidade, tanba deskute iha públiku la'os interese nasionál no interese povu, maibé interese sira na'in rua nian, interese kadeira nian, interese ukun nian," dehan Vise Prezidente Bankada Fretilin Francisco Miranda Branco iha plenária, Segunda (09/12/19).

Tuir nia, ema ne’ebé halo gravasaun no sirkula ba públiku ne’e la’os kestaun importante atu kestiona, tanba kestaun importante mak lider na’in rua ne’ebé diskuti-malu.

"Ida ne'ebé fó sai ba públiku ne'e la'os importante, maibé ida ne'ebé importante mak lider na'in rua ne'e dekute kona-ba poder. La'os diskuti asuntu nasionál iha seitór síviku saúde nian maibé diskuti ba sira na'in rua nia problema kona-ba ba kaer ukun. Ida ne'e ha'u hanoin eskándalu ida ne'ebé Primeiru Ministru (PM) tenke foti médida," deklara Branco.